فاسٹ بولر حسن علی نے وقاریونس کا ریکارڈ توڑڈالا

ابوظہبی: قومی کرکٹ ٹیم کے نوجوان فاسٹ بولر حسن علی نے ون ڈے کرکٹ میں تیز ترین 50 وکٹیں لیکر سابق فاسٹ بولر وقار یونس کو پیچھے چھوڑدیا۔

ابوظبی میں سری لنکا کے خلاف تیسرے ون ڈے میں پاکستانی پیسر نے 34 رنز کے عوض 5 کھلاڑیوں کو پویلین بھیجتے ہوئے یہ کارنامہ انجام دیا اور انہوں نے 50 وکٹیں کیریئر کے 24 ویں میچ میں مکمل کیں۔ اس کے ساتھ ہی حسن علی نے قومی کرکٹ ٹیم کے سابق فاسٹ بولر وقار یونس کو بھی پیچھے چھوڑ دیا ہے، انہوں نے 27 میچز میں 50 وکٹیں حاصل کی تھیں، حسن علی 24 میچز میں یہ کارنامہ انجام دیتے ہوئے آسٹریلین لیجنڈ ڈینس للی کے ہم پلہ بھی ہو گئے ہیں۔

50 ODI wickets for @RealHa55an in 24 matches – the fastest for Pakistan, beating @waqyounis99's record of 27! #PAKvSL pic.twitter.com/SpU70KdmXn

— ICC (@ICC) October 18, 2017

دوسری جانب سماجی رابطے کی ویب سائٹ ٹویٹر پر شعیب اختر نے کہا کہ حسن علی نے  زبردست کارکردگی کا مظاہرہ کیا۔

Brilliant performance by #hasanali, now lets see how we bat.What do you guys think will Pak win today?#PAKvsSL

— Shoaib Akhtar (@shoaib100mph) October 18, 2017

واضح رہے کہ تیز ترین 50 وکٹیں لینے کا اعزاز سری لنکن اسپنر اجانتھا مینڈس کے پاس ہے جنہوں نے 19 میچوں میں یہ کارنامہ انجام دیا جب کہ بھارتی پیسر اجیت اگارکر اور نیوزی لینڈ کے مچل میکلانگھن نے 23، 23 میچز میں یہ ہدف عبور کیا ہے۔