- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
سنگاپوردنیا کا طاقتورترین پاسپورٹ رکھنے والا پہلا ایشیائی ملک بن گیا
سنگاپور دنیا میں طاقتور ترین پاسپورٹ رکھنے والے ممالک میں پہلا ایشیائی ملک بن گیا۔
دنیا بھر کے ممالک کی پہچان ان کے پاسپورٹ سے ہی ہوتی ہے اور کسی بھی ملک کے پاسپورٹ کی اہمیت کا اندازہ اس بات سے لگایا جاسکتا ہے کہ اس ملک کا باشندہ ویزے کے بغیر کتنے ممالک کا دورہ کرسکتا ہے اور اس میں سرفہرست رہنے کا اعزاز اب تک یورپین ممالک کو ہی حاصل تھا لیکن تاریخ میں پہلی بار کوئی ایشیائی ملک یہ اعزاز حاصل کرنے میں کامیاب ہوا ہے۔
اس خبر کو بھی پڑھیں؛ دنیا کے کمزور ترین پاسپورٹس میں پاکستان کا دوسرا نمبر
پاسپورٹ انڈیکس رینکنگ کی عالمی ویب سائٹ کے مطابق گزشتہ 2 سال تک جرمنی کو دنیا کا طاقتور پاسپورٹ رکھنے کا اعزاز حاصل تھا مگر اب سنگاپور نے صرف ایک پوائنٹ سے جرمنی سے یہ اعزاز چھینتے ہوئے اسے نیچے دھکیل دیا ہے۔
رپورٹس کے مطابق حال ہی میں جنوبی امریکا کے ملک پیراگوئے نے سنگاپور سے ویزا پابندی ختم کرنے کا اعلان کیا جس کے بعد ویزا فری ممالک کی فہرست میں سنگاپور 159 پوائنٹس کے ساتھ سرفہرست ہوگیا یعنی سنگاپور کے شہری پاسپورٹس رکھنے والے 159 ممالک میں بغیر ویزہ کے جاسکتے ہیں جب کہ جرمنی 158 پوائنٹس کے ساتھ دوسرے نمبر پر موجود ہے۔
دنیا میں طاقتور پاسپورٹس رکھنے والے ممالک میں جرمنی کے بعد سوئیڈن اور جنوبی کوریا 157،157 کے ساتھ تیسرے جب کہ ڈنمارک، فن لینڈ، اٹلی، فرانس، اسپین، ناروے، جاپان، برطانیہ 156 پوائنٹس کے ساتھ چوتھے نمبر پر موجود ہیں۔ لگسمبرگ، سوئٹزرلینڈ، نیدرلینڈ، بیلجیئم، آسٹریا اور پرتگال 155 پوائںٹس کے ساتھ پانچویں نمبر پر ہیں۔
ادھر امریکی صدر ڈونلڈ ٹرمپ کے صدر بننے کے بعد امریکی پاسپورٹ دن بدن نیچے آرہا ہے اور امریکی شہری اب 154 ممالک میں بغیر ویزے کے جاسکتے ہیں جب کہ امریکا کے ساتھ چھٹے نمبر پر ملائیشیا، آئرلینڈ اور کینیڈا موجود ہیں۔
دوسری جانب سنگاپور کے حکام کا کہنا ہے کہ یہ ہمارے لیے اعزاز کی بات ہے کہ ایشیائی ملک طاقتور پاسپورٹ رکھنے والے ممالک میں سرفہرست ہوا اور یہ سنگاپور کے سفارتی تعلقات اور موثر غیر ملکی پالیسی کا نتیجہ ہے۔
واضح رہے افغانستان کا شمار دنیا میں کمزور ترین پاسپورٹ رکھنے والے ممالک میں ہوتا ہے اور اس کے شہری صرف 22 ممالک میں بغیر ویزا کے سفر کرسکتے ہیں جب کہ اس کے بعد پاکستان کا نمبر آتا ہے جس کا ویزہ اسکور 26 ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔