- عثمان خان کیخلاف اماراتی بورڈ نے تحقیقات کا آغاز کردیا
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
انٹر پری انجینئرنگ کے نتائج، سرکاری کالجوں کے طلبہ نے میدان مارلیا
کراچی: اعلیٰ ثانوی تعلیمی بورڈ کراچی نے انٹرسال دوئم سائنس پری انجینئرنگ اور سائنس جنرل کے سالانہ امتحانات برائے سال 2014 کے نتائج جاری کردیے ہیں۔
امتحانی نتائج میں طلبہ اور سرکاری کالجوں نے میدان مار لیا، امسال کالجوں میں سیشن مزید تاخیر سے شروع ہوگا، مرکزی داخلہ پالیسی کو بہتر بناکر طلبہ و طالبات کو سہولتیں دی جائیں، تفصیلات کے مطابق اعلیٰ ثانوی تعلیمی بورڈ کراچی کے ناظم امتحانات عمران چشتی نے انٹرسال دوئم سائنس پری انجینئرنگ اور سائنس جنرل کے سالانہ امتحانات برائے سال 2014 کے نتائج جاری کردیے جاری کردہ نتائج کے مطابق انٹر پری انجینئرنگ کے امتحانی نتائج میں کراچی کے سرکاری کالجوں نے اپنی سبقت برقرار رکھی اور ابتدائی تینوں پوزیشن سرکاری کالجوں نے حاصل کی جبکہ پری انجینئرنگ کے نتائج میں روایتی طور پر طلبہ نے طالبات پرسبقت برقرار رکھی اور ابتدائی 2 پوزیشن طلبہ نے جبکہ تیسری پوزیشن مشترکہ طور پر مرد اور خاتون طالب علموں نے حاصل کی۔
نتائج کے مطابق سائنس پری انجینئرنگ کے امتحانات میں دہلی گورنمنٹ کالج کے طالبعلم محمد سنین حسن نے 992 نمبر لے کر پہلی پوزیشن حاصل کی، آدمجی گورنمنٹ سائنس کالج کے محمد سالک سلام نے 991 نمبر لے کر دوسری پوزیشن جبکہ ڈی جے سندھ گورنمنٹ سائنس کالج کے خزیمہ سہیل صلات نے980 نمبر اور پی ای سی ایچ ایس گورنمنٹ کالج برائے خواتین کی عائشہ محبوب نے اتنے ہی نمبر لے کر مشترکہ طور پر تیسری پوزیشن حاصل کی، سائنس جنرل کے امتحانات میں بحریہ کالج کارساز کی حرا سلمان نے947 نمبر لے کر پہلی پوزیشن، پی ای سی ایچ ایس گورنمنٹ کالج خواتین کی پریسہ بشیر نے 935 نمبر لے کر دوسری پوزیشن اور کالج آف ایمرجنگ ٹیکنالوجیز کے محمد مدثر نے930 لے کر تیسری پوزیشن حاصل کی۔
سائنس پری انجینئرنگ کے 28239 امیدوار امتحانات میں شریک ہوئے،15525 کامیاب قرار پائے کامیابی کا تناسب 54.98 فیصد رہا، سائنس جنرل کے امتحانات میں 2053 امیدواروں شرکت کی 1084 امیدوار کامیاب قرار پائے کامیابی کا تناسب 52.80 فیصد رہا، اعلیٰ ثانوی تعلیمی بورڈ کے چیئرمین پروفیسر انوار احمد زئی نے بورڈ کے تحت انٹر پری انجینئرنگ اور سائنس جنرل کے امتحانات میں اعلیٰ کارکردگی دکھانے والے طلبہ و طالبات کے اعزاز میں منعقدہ تقریب سے خطاب میں کہا کہ امتحان کے نتائج کا انحصار تعلیمی سیشن کے بروقت آغاز سے ہے، امسال تعلیمی سیشن میں مزید تاخیر ہوگی۔
مرکزی داخلہ پالیسی کو بہتر بناکر طلبہ و طالبات کو داخلوں میں سہولتیں دی جائیں، تقریب میں ناظم امتحانات عمران چشتی، سیکریٹری پروفیسر ارشد قاضی، پوزیشن لینے طلبہ و طالبات والدین ، کالجوں اور ہائر سیکنڈری اسکولوں کے پرنسپلز اور شہر کے سینئر اساتذہ موجود تھے، پروفیسر انوار احمد زئی نے کہا کہ بورڈ کے معیار کے مطابق نتائج نہ دینے والے تعلیمی اداروں کے الحاق ختم کیے جارہے ہیں، پچھلے ہفتے چار کالجوں کا الحاق منسوخ کیا گیا مزید 4 کالجوں کے الحاق ختم کرنے کے حتمی نوٹس دیے جارہے ہیں۔
انٹربورڈ نے ایک بار پھر 3 ہفتے قبل ہی انٹر سائنس پری انجینئرنگ اور جنرل سائنس کے نتائج کا اعلان کیا ہے بورڈ کو جدید طرز پر استوار ہونے عملے کی محنت سے کارکردگی بہتر ہوگئی ہے، نتائج کا قبل از وقت آنا سینئر اساتذہ کے تعاون کی دلیل ہے انھوں نے امتحانی پرچے جانچنے والے اساتذہ اور بورڈ کے عملے کی خدمات کو سراہا بورڈ کا پورا نظام کمپیوٹرائزڈ کردیا گیا ہے اس لیے اب نتائج کے ساتھ ساتھ انرولمنٹ، رجسٹریشن اور مائیگریشن کی تیاری کا کام بھی آسان ہوگیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔