- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
منشیات اور کچی شراب بیچنے والوں کیخلاف کارروائی کا فیصلہ
کراچی: حکومت سندھ نے صوبے بھر میں کچی شراب اور منشیات فروخت کرنے والے گروہوں کے خلاف منظم انداز میں کارروائی کا فیصلہ کرلیا ہے۔
جرائم پیشہ افراد کے خلاف آپریشن کے لیے ایکسائز پولیس کوہدایات جاری کردی گئی ہیں، اس بات کا فیصلہ صوبائی وزیر ایکسائز اینڈ ٹیکسیشن مکیش کمارچاؤلہ کی صدارت ہونے والے اعلیٰ سطحیٰ کے اجلاس میں کیا گیاجس میں محکمہ ایکسائز اور ایکسائز پولیس کے اعلیٰ افسران نے شرکت کی، اجلاس میں متعلقہ افسران نے صوبائی وزیرایکسائز کوجرائم پیشہ عناصرکی سرگرمیوں کے حوالے سے بریفنگ دی۔
صوبائی وزیر نے حیدرآباد میں کچی شراب پینے سے ہونے والی ہلاکتوں پر افسوس کا اظہار کیا اور واضح کیا کہ کچی شراب کے کاروبار میں ملوث عناصر کو بخشا نہیں جائے گا، کچی شراب اورمنشیات فروخت کرنے والے عناصراپنے گھناؤنے کاروبار کے ذریعے نوجوان نسل کو تباہ کرنا چاہتے ہیں جس کی انھیں ہرگز اجازت نہیں دی جاسکتی ،حکومت سندھ صوبے کو منشیات سے پاک کرنے کے لیے پرعزم ہے اور اس حوالے سے ایکسائز کے محکمہ کو ہر ممکن اور جدید سہولتیں فراہم کی جائیں گی، انھوں نے ایکسائز پولیس کو ہدایت کی کہ اس گھناؤنے کاروبار میں ملوث ملزمان کی فہرستیں مرتب کی جائیں اور ان کے ٹھکانوں پر چھاپے مارکر گھناؤنے کاروبار میں ملوث ملزمان کوفوری گرفتار کیا جائے اور ان گروہوں کا قلع قمع کیا جائے ،کریک ڈاؤن کا دائرہ کارکراچی سمیت صوبے بھرمیں ہوناچاہیے۔
صوبے کے داخلی اورخارجی راستوں پر چیکنگ کا سخت بندوبست کیا جائے اور منشیات کی اسمگلنگ کی روک تھام کے لیے دیگرمتعلقہ اداروں سے مل کر مربوط لائحہ عمل تیار کیا جائے، منشیات کے خاتمے کے لیے محکمہ ایکسائز آگہی مہم بھی چلائے اور عوام میں یہ شعور اجاگر کیا جائے کہ نشہ آور اشیا نہ صرف مضرصحت ہیں بلکہ معاشرے کی تباہی کا باعث بھی بن رہی ہیں۔
صوبائی وزیر مکیش کمار چاؤلہ نے ایکسائز پولیس کو ہدایت کی ہے کہ کراچی کے 6 اضلاع میں کچی شراب کی تیاری میں ملوث عناصرکوقانون کی گرفت میں لایا جائے جبکہ حیدرآباد سمیت دیگراضلاع میں بھی اس قسم کے غیر قانونی اور انسانی جانوں سے کھیلنے والے عناصر کی کی بیخ کنی کے لیے موثراقدامات کیے جائیں کوتاہی کے مرتکب افسران کے خلاف سخت کارروائی کی جائے گی، حیدرآباد میں کچی شراب کے پینے سے ہلاکتیں افسوس ناک عمل ہے اس طرح کے واقعات کسی صورت قابل برداشت نہیں ہیں، انھوں نے عوام سے بھی اپیل کی کہ وہ اپنے اپنے علاقوں میں نظر رکھیں اور اس طرح کے کاروبار میں ملوث عناصر کے خلاف فوری طور پر ایکسائیز پولیس کو آگاہ کیا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔