- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
مسلسل 4 گھنٹے 100 میگاواٹ بجلی پیدا کرنے والی بیٹری کی تیاری
لاس اینجلس: امریکی شہر لاس اینجلس میں ایک ایسی بیٹری تیار کی جارہی ہے جو مسلسل 4 گھنٹے تک 100 میگاواٹ بجلی پیدا کرسکے گی اور اس سے شہر میں بجلی کی اضافی ضروریات پوری ہوسکیں گی۔
بین الاقوامی میڈیا کے مطابق امریکی شہر لاس اینجلس میں صبح اور شام کے اوقات میں بجلی کی مانگ سب سے زیادہ ہوتی ہے جب لوگ اپنے گھروں سے کام پر نکلنے کی تیاری کررہے ہوتے ہیں یا پھر اپنے کام سے گھر واپس پہنچے ہوتے ہیں۔ فی الحال ان اوقات میں بجلی کی اضافی طلب پوری کرنے کے لیے قدرتی گیس استعمال کرنے والے بجلی گھر چلائے جاتے ہیں جن سے ہوا میں کاربن ڈائی آکسائیڈ کی بڑی مقدار شامل ہوجاتی ہے۔
ان کے برعکس یہ بیٹری دن کے اوقات میں دھوپ سے جب کہ رات کے وقت ونڈ ٹربائنوں سے پیدا ہونے والی بجلی ذخیرہ کرے گی اور ضرورت کے وقت شہر کو فراہم کرے گی یعنی اس سے کوئی آلودگی پیدا نہیں ہوگی۔ اس دیوقامت بیٹری کا ٹھیکا ’’اے ای ایس کارپوریشن‘‘ نامی ادارے کو دیا گیا ہے جو 18 ہزار بیٹری ماڈیولز کو یکجا کرکے ایک بڑی بیٹری میں تبدیل کرے گی۔
کیلیفورنیا کے ’’پبلک یوٹیلیٹی کمیشن‘‘ کا منصوبہ ہے کہ 2050 تک گرین ہاؤس گیسوں کے اخراج میں 80 فیصد کمی لائی جائے۔ اس مقصد کے لیے توانائی کے متبادل اور قابلِ تجدید (renewable) ذرائع پر خصوصی توجہ دی جارہی ہے۔ بجلی کی طلب میں اضافے کو دیکھتے ہوئے ایک امکان یہ بھی سامنے آرہا ہے کہ شاید ایسی صرف ایک بیٹری سے کام نہ بنے بلکہ اس کے لیے ریاست کیلیفورنیا کے مختلف علاقوں میں ایسی کئی بیٹریاں نصب کرنی پڑیں تاہم ایسا کوئی بھی فیصلہ اس پہلی بیٹری کی تنصیب اور کامیابی کا جائزہ لینے کے بعد ہی کیا جائے گا۔ یہ بیٹری اگلے 5 سال میں مکمل ہوگی جس کے بعد اس سے بجلی کی انتہائی طلب کے اوقات میں استفادہ کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔