بالی ووڈ کنگ شاہ رخ خان ’’ویٹر‘‘ بن گئے

دبئی: بالی ووڈ کے کنگ شاہ رخ خان نے دبئی میں سیاحت کے فروغ کے لیے تشہیری مہم کے دوران  ویٹرکا روپ دھار لیا۔

بالی ووڈ اسٹار شاہ رخ خان کا شمار فلم نگری کے صف اول کے اداکاروں میں ہوتا ہے  اور یہی وجہ ہے کہ دنیا بھر میں ان کے کروڑوں مداح ہیں جب کہ کنگ خان کے پرستاران کی جھلک دیکھنے کے لیے کچھ بھی کرگزرنے کوتیار رہتے ہیں لیکن اب شاہ رخ  کے ویٹر کے روپ میں نظر آنے پر سب حیران ہیں۔

بھارتی میڈیا رپورٹس کے مطابق شاہ رخ خان کو دبئی میں سیروسیاحت کے فروغ کے لیے سفیر بنایا گیا ہے جب کہ دبئی میں سیروسیاحت کے فروغ کے لیے 3 منٹ کی تشہیری ویڈیو جاری کی ہے جس میں انہوں نے مختلف روپ دھارے ہیں۔

ویڈیو میں دیکھا جاسکتا ہے کہ شاہ رخ ویٹر کا روپ دھار کر مداحوں کو کھانے پیش کرتے رہے جس پرلوگ انہیں اپنے درمیان دیکھ کرنا صرف  چونک اٹھے  بلکہ حیران ہوکر ان کے ساتھ تصاویر بھی بناتے رہے جب کہ ایک جگہ دیکھا جاسکتا ہے  کہ کنگ خان شاپنگ مال میں سامان فروخت کرنے میں مصروف ہیں۔

شاہ رخ کی ویٹر بننے کی تصاویر سوشل میڈیا پر تیزی سے وائرل ہورہی ہیں جسے مداحوں کی جانب سے بے حد پسند کیا جارہا ہے جب کہ مداح بھی کنگ خان  کے مختلف روپ دھارنے پرحیران ہیں۔

A personal invitation from @iamsrk to come #VisitDubai. "This is #MyDubai, #BeMyGuest" – Shah Rukh Khan. https://t.co/hYAvyeFnSm pic.twitter.com/YNJKkGKhWA

— Visit Dubai (@visitdubai) December 10, 2016

واضح رہے کہ اداکار شاہ رخ خان فلم’’رئیس‘‘ کی تکمیل میں مصروف ہیں۔