- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں کوئی ابہام یا شک ہوا تو اس فائدہ بیوی کو دیا جائےگا، سپریم کورٹ
- نند کو تحفہ دینے کا سوچنے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
- 'امن کی سرحد' کو 'خوشحالی کی سرحد' میں تبدیل کریں گے، پاک ایران مشترکہ اعلامیہ
- وزیراعظم کا کراچی کے لیے 150 بسیں دینے کا اعلان
- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتا افراد کیس؛ معلوم ہوا وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
’’نا اہل‘‘ قرار دیا گیا تو سیاست چھوڑ دوں گا،عمران خان
اسلام آباد: تحریک انصاف کے چیئرمین عمران خان نے کہا ہے کہ عدالت کی جانب سے نااہل قرار دیا گیا تو سیاست چھوڑ دوں گا۔
ایکسپریس نیوز کے پروگرام ’’ٹو دی پوائنٹ‘‘ میں گفتگو کے دوران عمران خان نے کہا کہ ٹیکنو کریٹ حکومت کی گنجائش ہی نہیں ہے، اعتزاز احسن پیپلز پارٹی کی قیادت کریں تو ان سے بات ہوسکتی ہے لیکن آصف زرداری کے ہوتے ہوئے پی پی سے اتحاد ممکن نہیں، بلاول ایک بچہ ہے جسے آصف زرداری کنٹرول کرتے ہیں، اصل طاقت زرداری کے پاس ہے جو پیپلز پارٹی کو استعمال کررہے ہیں، اگر پیپلز پارٹی صحیح معنوں میں ایک جمہوری پارٹی بن جائے تو اس سے ہمیشہ بات چیت ہوسکتی ہے، پیپلز پارٹی اور ن لیگ نورا کشتی میں مصروف رہتے ہیں۔
تحریک انصاف کے چیئرمین نے کہا کہ ڈیرہ اسماعیل خان میں لڑکی کو برہنہ کرنے کا جو شرمناک واقعہ رونما ہوا اس کے فوری بعد آئی جی کے پی سے رابطہ کیا، داور خان کے علی امین گنڈا پور پر لگائے گئے الزامات جھوٹے ثابت ہوئے، علی امین گنڈا پور نے کہہ دیا تھا کہ میرا اگر کوئی رشتہ دار بھی اس جرم میں ملوث ہے اسے پھانسی دے دو، پولیس نے 24 گھنٹوں میں 9 میں سے 7 نامزد ملزم گرفتار کرلیے تھے۔
اپنی اور جہانگیر ترین کی نااہلی کے سوال پر انہوں نے کہا کہ جہانگیر ترین یا کوئی بھی نااہل ہوا تو پارٹی میں نہیں رہے گا، میری ایک بھی منی ٹریل جعلی ثابت ہوئی تو سیاست چھوڑ دوں گا، اگر نا اہل ہوا تو شِق 203 کا استعمال کر کے پارٹی صدارت نہیں کروں گا اور سیاست سے علیحدگی اختیار کرلوں گا تاہم میں مطمئن ہوں کہ میں نے تمام منی ٹریل جمع کرا دی ہے۔
عمران خان کا کہنا تھا کہ اس وقت ملک میں حکومت مفلوج ہو چکی ہے، ن لیگ کے کئی ارکان ہم سے رابطے میں ہیں، نواز شریف پارٹی کو اپنی کرپشن بچانے کے لیے استعمال کر رہے ہیں، شریف خاندان کے خلاف پہلی دفعہ میرٹ پر کارروائی ہورہی ہے، شریف خاندان کو اس سے پہلے کوئی عدالت قانون کے نیچے نہیں لائی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔