سی ایس ایف ملنے سے روپے کی قدرمیں اضافے کارجحان

انٹربینک میں ڈالرکی قدر32پیسے کی کمی سے 94.15 روپے کی سطح پرآگئی، اے ایف پی

---

ISLAMABAD: زرمبادلہ ذخائر میں بڑھنے کے باعث روپے کی قدر میں کاروباری ہفتے کے آغاز پر انٹربینک اور اوپن مارکیٹ میں اضافے کا رجحان رہا۔ پیر کو انٹربینک مارکیٹ میں امریکی ڈالرکی قدر94.47 روپے سے گھٹ کر 94.15 روپے کی سطح پر آگئی ہے، اس طرح انٹربینک میں روپے کی نسبت ڈالر کی قدر میںمزید32 پیسے کی کمی ریکارڈکی گئی۔

فاریکس ڈیلرزکے مطابق کاروباری ہفتے کے آغاز پر روپے کی قدر میں اضافہ دیکھا جارہا ہے جس کے نتیجے میں امریکی ڈالر 94.47 روپے سے گر کر 94.15 روپے پر آگیا۔

ماہرین کا کہنا ہے کہ کولیشن سپورٹ فنڈ (سی ایس ایف) کی مد میں 1ارب 11 کروڑ80 لاکھ ڈالرآنے سے ڈالرسپلائی میں بہتری ہوئی جس سے روپے پر دبائو میں قدرے کمی ہوئی ہے۔ علاوہ ازیں اوپن مارکیٹ میں بھی ڈالر 15 پیسے کم ہوکر94 روپے 70 پیسے میں فروخت ہورہا ہے۔