- وزیراعظم کا ہاکی ٹیم کے ہر کھلاڑی کیلئے 10،10 لاکھ روپے انعام کا اعلان
- برطانیہ؛ خاتون پولیس افسر کے قتل پر 75 سالہ پاکستانی کو عمر قید
- وزیراعظم کا آزاد جموں و کشمیر کی صوتحال پر گہری تشویش کا اظہار
- جماعت اسلامی کا اپوزیشن اتحاد کا حصہ بننے سے انکار
- بجٹ میں سیلز اور انکم ٹیکسز چھوٹ ختم کرنے کی تجویز
- پیچیدہ بیماری اور کلام پاک کی برکت
- آزاد کشمیر میں مظاہرین کا لانگ مارچ جاری، انٹرنیٹ سروس متاثر، رینجرز طلب
- آئرلینڈ سے شکست کو کوئی بھی قبول نہیں کر رہا، چئیرمین پی سی بی
- یونان میں پاکستانی نے ہم وطن کو معمولی جھگڑے پر قتل کردیا
- لکی مروت میں جاری آپریشن 36 گھنٹوں بعد مکمل، دو دہشت گرد ہلاک
- صدر آصف زرداری کا آزاد کشمیر کی صورتحال کا نوٹس، اہم اجلاس طلب
- ریٹیلرز کو ٹیکس نیٹ میں لانے سے کسی طور پیچھے نہیں ہٹیں گے، وزیر خزانہ
- انڈونیشیا میں سیلاب اور لاوے میں بچوں سمیت 14 افراد بہہ گئے
- دوسرا ٹی20؛ کیا عامر پلئینگ الیون کا حصہ ہوں گے؟
- کشمیر ایکشن کمیٹی قیادت کا پرتشدد واقعات سے اظہارِ لاتعلقی، بھارتی پروپیگنڈہ بے نقاب
- کراچی میں موٹرسائیکل چھیننے کے دوران فائرنگ سے شہری جاں بحق، ویڈیو سامنے آگئی
- کراچی میں 180 سال پرانی عمارت کا زینہ زمین بوس، پھنسے رہائشیوں کو بچالیا گیا
- پاک آئرلینڈ سیریز؛ دوسرا میچ آج کھیلا جائے گا! ٹیم میں 2 تبدیلیاں متوقع
- اگلے ماہ پیرس کیلیے پروازیں چلانے کیلیے تیار، ترجمان پی آئی اے
- پاکستان، چین کا سی پیک کے تحت دوطرفہ تعاون بڑھانے پر اتفاق
ختم نبوت ﷺ ترمیم؛ راجہ ظفرالحق کمیٹی کی رپورٹ عدالت میں پیش
اسلام آباد: فیض آباد دھرنے اور الیکشن ایکٹ 2017 ترمیم کیس کی سماعت کے دوران عدالت کے اظہار برہمی پر حکومت نے ختم نبوتﷺ کے معاملے پر راجہ ظفر الحق کمیٹی کی رپورٹ پیش کردی۔
اسلام آباد ہائی کورٹ کے فاضل جج جسٹس شوکت عزیز صدیقی نے فیض آباد دھرنا اورالیکشن ایکٹ 2017 میں ترمیم سے متعلق کیس کی سماعت کی، عدالتی حکم کے باوجود ختم نبوت ﷺ کے معاملے پر ظفر الحق کمیٹی کی رپورٹ پیش نہ کیے جانے پر فاضل جج نے شدید برہمی کا اظہار کیا۔ ایڈیشنل اٹارنی جنرل نے عدالت سے استدعا کی کہ کل تک کی مہلت دی جائے جس پر جسٹس شوکت عزیز صدیقی نے ریمارکس دیے کہ اس معاملہ کی روزانہ کی بنیاد پر سماعت کریں گے، رپورٹ پیش نہ ہونے پر وزیر اعظم کو بھی طلب کریں گے۔
اس خبر کو بھی پڑھیں : حلف نامہ تبدیلی، راجا ظفرالحق رپورٹ آج پیش کرنیکا امکان
ڈپٹی اٹارنی جنرل نے دلائل میں کہا کہ وزیراعظم کا اس رپورٹ سے تعلق نہیں، جس پر جسٹس شوکت عزیز نے ریمارکس دیے کہ ایک بجے تک رپورٹ جمع کروا دیں ورنہ وزیراعظم کو توہین عدالت کا نوٹس جاری کریں گے۔
عدالت عالیہ نے فیض آباد دھرنے کو الیکشن ایکٹ 2017 ترمیم کیس سے الگ کر دیا، جسٹس شوکت عزیز نے ریمارکس دیے کہ ختم نبوت پر کوئی سمجھوتہ نہیں ہوگا، آپ کو اس معاملہ کی نزاکت کا احساس نہیں، آئین قادیانیوں کو مسلمان نہیں مانتا، وہ شہری رہیں لیکن اسلام پر نقب نہ لگائیں۔
عدالت میں وقفے کے بعد سماعت دوبارہ شروع ہونے پر ڈپٹی اٹارنی جنرل راجہ ارشد کیانی نے راجہ ظفر الحق کمیٹی کی رپورٹ سیل کرکے عدالت میں پیش کر دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔