واجد ضیا کو والیم 10 کے لیے سپریم کورٹ سے رجوع کا حکم

دبئی میں میاں شریف کا بزنس طارق شفیع چلاتے تھے،آہلی اسٹیل کے شیئرز کی فروخت کے دستاویزی ثبوت نہیں ملے،واجد ضیا کابیان

Numainda Express April 04, 2018

نوازشریف، مریم عدالت پیش نہیں ہوسکے، ایک روز کیلیے حاضری سے استثنیٰ منظور،جے آئی ٹی سربراہ پر جرح آج بھی جاری رہے گی۔ فوٹو: فائل

احتساب عدالت نے شریف خاندان کے خلاف ایون فیلڈ ریفرنس میں جے آئی ٹی سربراہ واجد ضیا کو والیم10 کے حصول کے لیے سپریم کورٹ سے رجوع کرنے کا حکم دیا ہے۔

پانچویں روز بھی شریف فیملی کے وکیل خواجہ حارث نے استغاثہ کے گواہ واجد ضیا پر جرح جاری رکھی،نواز شریف اور مریم نواز موسم کی خرابی کے باعث لاہور سے اسلام آباد نہیں پہنچ سکے تاہم کیپٹن صفدر عدالت میں پیش ہوئے، عدالت نے دونوں ملزموں کی ایک روز کے لیے حاضری سے استثنیٰ کی درخواست منظور کرلی۔

واجد ضیا نے بتایا کہ جے آئی ٹی کے مطابق آہلی اسٹیل ملز کے باقی25فیصد شیئرز1978سے 1986کے دوران فروخت ہوئے تاہم اس کا کوئی واضح ثبوت یا دستاویز دستیاب نہیں، خواجہ حارث نے استفسار کیا کہ آپ کے پاس جو جواب آیا اس میں میوچل لیگل ریکویسٹ کا حوالہ دیا گیا، کیا یہ درست ہے کہ اس میں کہیں نہیں لکھا ہوا کہ آپ کی میوچل لیگل ریکویسٹ کے ساتھ کوئی دستاویز لگائی گئیں۔

واجد ضیا نے کہا کہ خط کے مطابق یہ بات درست ہے، درخواست کے ساتھ کوئی کاغذ نہیں لگایا گیا، ہم نے 4 ایم ایل اے بھیجے، 2 کا تعلق خریدوفروخت کے معاہدے سے تھا تاہم کوئی جے آئی ٹی ممبر بیان لینے دبئی نہیں گیا، خواجہ حارث نے پوچھا کسی جے آئی ٹی ممبر نے یہ کنفرم کیا کہ خط پر موجود دستخط جج عبدالرحمن مراد کے ہی ہیں، واجد ضیا نے کہا کہ کسی رکن نے بھی جج صاحب سے رابطہ نہیں کیا۔

خواجہ حارث نے کہا کہ جج عبدالرحمن نے کبھی نہیں لکھا کہ ان کا ذاتی علم ہے کہ یہ ریکارڈ دبئی کورٹ سسٹم میں موجود نہیں،واجد ضیا نے کہا کہ یہ بات کبھی نہیں لکھی گئی کہ جج صاحب کے ذاتی علم میں کچھ ایسا تھا،خواجہ حارث نے کہا کہ یہ بات بھی نہیں لکھی گئی کہ جج عبدالرحمان نے دبئی کورٹ، کسٹم یا سینٹرل بینک جا کر یہ معلومات حاصل کی یا تصدیق کی۔

واجد ضیا نے کہا کہ یہ بات درست ہے کہ جج عبدالرحمان نے یہ بات بھی کبھی نہیں لکھی، جے آئی ٹی کی طرف سے مجموعی طور پر یو اے ای حکومت کو 7 ایم ایل ایز لکھے گئے، 4ایم ایل ایز گلف اسٹیل اور طارق شفیع سے متعلق تھے، یہ یاد نہیں کہ گلف اسٹیل کا معاہدہ ان4 میں سے کس کے ساتھ منسلک کیا گیا، باہمی قانونی مشاورت کے تحت لکھے گئے خطوط سے متعلق ریکارڈ سربمہر ہے۔

ان کا کہنا تھا کہ یہ بات درست نہیں ہے کہ جے آئی ٹی نے والیم10 کو سربمہر حالت میں پیش کیا، والیم کو سیل کرنے کے لیے زبانی استدعا کی تھی جس پر سپریم کورٹ نے اسے سربمہر کیا تاہم اس حوالے سے عدالت کے تحریری حکم کا علم نہیں، جے آئی ٹی نے والیم 10کی5 کاپیاں سپریم کورٹ میں پیش کی تھیں، ایک سربمہر آفس کاپی جے آئی ٹی کے پاس بھی ہے، والیم 10 ملنے سے جواب دینے میں آسانی ہو گی۔

خواجہ حارث نے پوچھا کیا جے آئی ٹی نے نجی بینک سے ریکارڈ لیا جس سے ظاہر ہوتا ہو کہ طارق شفیع نے قرض کی رقم ادا کی، واجد ضیانے جواب دیاجے آئی ٹی نے ایسا کوئی ریکارڈ حاصل نہیں کیا، 1986میں طارق شفیع نے نئے کاروبار کے لیے بی سی سی آئی بینک سے قرضہ لیا جس سے ظاہر ہوتا ہے کہ رقم کی ادائیگی کی گئی، ایسا صرف اس صورت ہو سکتا ہے جب پرانا قرض ادا ہوچکا ہو، کوئی بینک کسی شخص کا اس وقت تک نیا اکاؤنٹ نہیں کھولتا جب تک پرانا قرضہ واپس نہ کردیا جائے تاہم جے آئی ٹی نے ایسی کوئی دستاویزحاصل نہیں کی جس سے ثابت ہو کہ طارق شفیع نے قرض ادا کیا ہو یا بقایا جات کی ادائیگی کی ہو، 25 فیصد شیئرز کی بظاہر فروخت سے 14ملین درہم کے بقایا جات ادا کیے گئے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

واجد ضیا کو والیم 10 کے لیے سپریم کورٹ سے رجوع کا حکم

انٹرٹینمنٹ

کبریٰ خان نے فروری میں شادی کی تصدیق کردی

عاشقی 3 سے نکالے جانے کی خبروں پر ٹرپتی ڈمری کی خاموشی ٹوٹ گئی

گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

واجد ضیا کو والیم 10 کے لیے سپریم کورٹ سے رجوع کا حکم

ہمارے ساتھ شامل ہوں

مقبول خبریں

انٹرٹینمنٹ

کبریٰ خان نے فروری میں شادی کی تصدیق کردی

عاشقی 3 سے نکالے جانے کی خبروں پر ٹرپتی ڈمری کی خاموشی ٹوٹ گئی

گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین