دپیکا کے بعد رنویرنے بھی شادی کی تردید کردی

ویب ڈیسک  منگل 10 اپريل 2018
ہمارا کبھی شادی کرنے کا ارادہ ہوا تو ہم ضرور اعلان کریں گے؛ رنویر سنگھ؛ فوٹوانسٹاگرام

ہمارا کبھی شادی کرنے کا ارادہ ہوا تو ہم ضرور اعلان کریں گے؛ رنویر سنگھ؛ فوٹوانسٹاگرام

ممبئی: نامور بالی ووڈ اداکاررنویر سنگھ نے دپیکا پڈوکون سے شادی کی تردید کرتے ہوئے کہا کہ رواں سال ان دونوں کا شادی کا کوئی ارادہ نہیں۔

بالی ووڈ میں پچھلے کچھ دنوں سے رنویر سنگھ اور دپیکا پڈوکون کی شادی کی افواہیں گرم ہیں، یہاں تک کہا جارہا تھا کہ دونوں رواں سال کے آخر میں سوئزرلینڈ کے خوبصورت مقام پر شادی کے بندھن میں بندھ جائیں گے۔ میڈیا میں گردش کرنے والی افواہوں کے مطابق دونوں کےوالدین آپس اس حوالے سے مشاورت بھی کرچکے ہیں ۔ دونوں اداکاروں کے مداح اپنے پسندیدہ اسٹارز کی شادی کا سن کر بے حد خوش تھے تاہم اب رنویر کے حالیہ بیان نے مداحوں کی خوشی پر پانی پھیردیا ہے۔

اس خبرکوبھی پڑھیں: رنویر، دپیکا نے اپنے خوابوں کا محل خرید لیا

حال ہی میں رنویر سنگھ نے ایک بھارتی میگزین کو دئیے جانے والے انٹرویو میں اپنی اور دپیکا کی شادی کی تردید کرتے ہوئے کہا ہےکہ ہم فی الحال شادی نہیں کررہے اور اس سال تو بالکل بھی نہیں تاہم میں مستقبل کے حوالے سے کچھ نہیں کہہ سکتا لہٰذا ہمارا کبھی شادی کرنے کا ارادہ ہوا تو ہم ضرور اعلان کریں گے۔

واضح رہے کہ اس سے قبل دپیکا پڈوکون بھی کہہ چکی ہیں کہ وہ اپنے کام کو سب سے اوپر رکھتی ہیں اور اس وقت وہ کام میں بے حد مصروف ہیں اور ان کے پاس شادی کیلئے وقت نہیں ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔