سونم کپور اور آنند آہوجا کی پہلی ملاقات کب اور کیسے ہوئی

سونم اور آنند کو مشترکہ دوست پرنیا قریشی نے ملوایا تھا۔

ویب ڈیسک May 07, 2018

سونم اور آنند کو مشترکہ دوست پرنیا قریشی نے ملوایاتھا فوٹو:فائل

نامور بالی ووڈ اداکارہ سونم کپور اور آنند آہوجا دوروز بعد شادی کے بندھن میں بندھنے والے ہیں تاہم یہ بات بہت کم لوگ جانتے ہیں کہ سونم اور آنند پہلی بار کب اور کہاں ملے تھے۔

نامور بالی ووڈ اداکارہ سونم کپور اور آنند آہوجا دو روز بعد شادی کے بندھن میں بندھ جائیں گے۔ آنند آہوجا کا شمار بھارت کے بڑے بزنس مینوں میں ہوتا ہے۔ دونوں طویل عرصے سےایک دوسرے کو جانتے ہیں حالانکہ آنند آہوجا کا تعلق شوبز انڈسٹری سے نہیں لیکن پھر بھی سونم اور آنند کی پہلی ملاقات بڑے فلمی انداز میں ہوئی۔

اس خبرکوبھی پڑھیں: سونم کپور کی شادی کی تیاریاں،رنگ میں بھنگ پڑگیا

میڈیا رپورٹس کے مطابق آنند اور سونم کو دونوں کی مشترکہ دوست پرنیا قریشی نے 2014 میں ایک تقریب کے دوران ملوایا تھا۔ پرنیا بھارت کی معروف اسٹائل آئیکون ہیں جب کہ فیشن انڈسٹری میں ان کا بہت بڑانام ہے۔ پرنیا سونم کی اسٹائلسٹ اور آنند آہوجا کی قریبی دوست تھیں۔ دلچسپ بات یہ ہے کہ سونم سے ملنے کے صرف ایک ماہ بعد آنند نے انہیں پرپوز کردیا تھا اور جب ہی سے دونوں ایک دوسرے کے ساتھ ہیں۔

اس خبرکوبھی پڑھیں: انیل کپور نے خاموشی توڑدی

تقریباً 4 سال ایک دوسرے کے قریب رہنے کے باوجود سونم نے کبھی بھی میڈیا پر اپنے اور آنند کے تعلقات کے بارے میں بات نہیں کی بلکہ اس حوالے سے سوال پوچھنے پر سونم اکثر بھڑک اٹھتی تھیں تاہم گزشتہ ماہ دونوں کے خاندانوں نے سونم اور آنند کی شادی کا باضابطہ اعلان کرکے اس رشتے پر تصدیق کی مہر ثبت کردی تھی۔ سونم اور آنند اگلے دوروز میں شادی کے بندھن میں بندھ جائیں گے جس کی تیاریاں سونم کے والد انیل کپور کے ممبئی میں واقع گھر میں زوروشور سے جاری ہیں۔