پاکستان نے فاٹا انضمام پرافغانستان کے اعتراضات مسترد کردیے

ویب ڈیسک  اتوار 27 مئ 2018
فاٹا کے انضمام پر ہماری پارلیمان کا فیصلہ عوام کی امنگوں کے عین مطابق ہے، ترجمان دفتر خارجہ فوٹو: فائل

فاٹا کے انضمام پر ہماری پارلیمان کا فیصلہ عوام کی امنگوں کے عین مطابق ہے، ترجمان دفتر خارجہ فوٹو: فائل

 اسلام آباد: پاکستان نے فاٹا کے خیبرپختون خوا میں انضمام پر افغانستان کے اعتراضات مسترد کردیئے۔

ایکسپریس نیوز کے مطابق پاکستان نے فاٹا کے انضمام پر افغان پریس ایجنسی کی جانب سے افغان قیادت سے منسوب بیان کو مسترد کریا گیا ہے۔  ترجمان دفتر خارجہ ڈاکٹر فیصل نے ٹوئٹر پر جاری بیان میں کہا کہ فاٹا کے انضمام پر ہماری پارلیمان کا فیصلہ قبائلی علاقوں کے عوام کی امنگوں کے عین مطابق ہے ۔ ڈاکٹر فیصل نے کہا کہ افغانستان کی جانب سے دو طرفہ تعلقات کے عمل میں مداخلت نہ کرنے کے اصولوں پر عمل نہ کرنا افسوسناک ہے۔

واضح رہے کہ افغان میڈیا کے مطابق گزشتہ روز کابل حکومت نے فاٹا کے خیبرپختون خوا میں انضمام پر اعتراضات اٹھاتے ہوئے پاکستانی حکومت کے فیصلے کو مسترد کردیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔