- پول میں تیزی سے ایک میل فاصلہ طے کرنے کے ریکارڈ کی کوشش
- پروسٹیٹ کینسر کی تشخیص کے لیے نیا ٹیسٹ وضع
- غزہ پالیسی پر امریکی وزارت خارجہ کی خاتون ترجمان نے احتجاجاً استعفی دیدیا
- راولپنڈی: خاکروب کی لیڈی ڈاکٹر کو ہراساں کرنے اور تیزاب پھینکنے کی دھمکی
- یومِ مزدور: سندھ میں یکم مئی کو عام تعطیل کا اعلان
- منفی پروپیگنڈا ہمیں ملک کی ترقی کے اقدامات سے نہیں روک سکتا، آرمی چیف
- پاکستان میں افغانستان سے لائے غیر ملکی اسلحے کے استعمال کے ثبوت پھر منظرِ عام پر
- بھارتی ٹیم کے ہیڈکوچ کی ووٹ کاسٹ کرنے کی ویڈیو وائرل
- وزیرداخلہ کا غیر قانونی مقیم غیر ملکیوں کے خلاف آپریشن تیز کرے کا حکم
- سندھ حکومت نے 54 نجی اسکولوں کی رجسٹریشن روک دی
- عدت پوری کیے بغیر بیوی کی بہن سے شادی غیر قانونی قرار
- حکومت سندھ کا ٹیکس چوروں کے نام اخبارات میں شائع کرانے کا فیصلہ
- ضمنی انتخابات: کامیاب امیدواروں کے نوٹیفکیشن جاری، نئی پارٹی پوزیشن سامنے آگئی
- ایوریج ٹیم کیخلاف شکست؛ بلاوجہ کی تبدیلیاں "نام نہاد تجربہ" قرار
- حفیظ نے غیرملکی کوچز کی تقرری پر سوال اٹھادیا
- سپریم کورٹ؛ جے ایس ایم یو کنٹریکٹ ملازمین کی ریگولرائزیشن کی درخواست مسترد
- ٹی20 ورلڈکپ؛ وقار یونس نے اپنے 15 رکنی اسکواڈ کا بتادیا
- پختونخوا میں 29 اپریل تک گرج چمک کیساتھ بارش اور آندھی کا امکان
- پی ٹی آئی جلسہ؛ سندھ ہائیکورٹ کی انتظامیہ کو اجازت نہ دینے کی معقول وجہ بتانے کی ہدایت
- عالمی اور مقامی مارکیٹوں میں سونے کی قیمت میں مزید اضافہ
نواز شریف اور شاہد خاقان کیخلاف ایل این جی کرپشن کیس میں نیب تحقیقات شروع
اسلام آباد: قومی احتساب بیورو (نیب) نے ایل این جی ٹھیکے میں کرپشن کے الزام میں نواز شریف اور شاہد خاقان عباسی کے خلاف تحقیقات کی منظوری دے دی۔
ایکسپریس نیوز کے مطابق چیئرمین نیب جاوید اقبال کی زیر صدارت ایگزیکٹو بورڈ کا اجلاس ہوا جس میں دو سابق وزرائے اعظم، 2 سابق وزرائے اعلیٰ اور دیگر اعلیٰ حکام کے خلاف بدعنوانی اور اختیارات کے ناجائز استعمال کے الزامات کی تحقیقات کی منظوری دی گئی۔
نیب اعلامیہ میں کہا گیا ہے کہ نواز شریف، شاہد خاقان عباسی و دیگر کے خلاف ایل این جی ٹرمینل کا ٹھیکہ قواعد و ضوابط کے خلاف دینے کے الزام میں انکوائری شروع کردی گئی۔ دونوں وزرائےاعظم نے من پسند کمپنی کو 15 سال کا ٹھیکہ خلاف ضابطہ دیا جس سے قومی خزانے کو مبینہ طور پر اربوں روپے کا نقصان پہنچا۔
سندھ کلچرل فیسٹیول 2014 میں بدعنوانی کے الزام میں سابق وزیراعلی سندھ سید قائم علی شاہ، سابق سیکرٹری سندھ، محکمہ کلچر ٹورازم اینڈ اینٹیک کے افسران، اہلکاروں اور دیگر کے خلاف انوسٹی گیشن کی منظوری دی گئی ہے۔ ملزمان نے مبینہ طور پر خزانے کو 12 کروڑ 70 لاکھ کا نقصان پہنچایا۔
اختیارات کا ناجائز استعمال کرتے ہوئے حکومتی خزانے کو بھاری نقصان پہنچانے کے الزام میں وزیراعلیٰ پنجاب شہبازشریف، متعلقہ سیکٹریز، سابق ایم پی اے اور چنیوٹ شوگر ملز انتظامیہ کے خلاف بھی انکوائری کی منظوری دی گئی۔ عوام سے بڑے پیمانے پر دھوکا دہی کے الزام میں پیراگون ہاؤسنگ سوسائٹی کی انتظامیہ و دیگر کیخلاف بھی انکوائری کی منظوری دی گئی۔
اختیارات کا ناجائز استعمال کرتے ہوئے غیر قانونی طور پر کنٹریکٹ میں توسیع کے الزام میں سابق چئیرمین کراچی پورٹ ٹرسٹ وائس ایڈمرل ریٹائرڈ احمد حیات دیگر کے خلا ف بدعنوانی کا ریفرنس دائر کرنے کی منظوری دی گئی۔ ملزمان نے قومی خزانے کو مبینہ طورپر تقریبا 21 ارب روپے کا نقصان پہنچایا۔
نیب نے اختیارات کے ناجائز استعمال اور آمدن سے زائد اثاثوں کے الزام میں سابق صوبائی وزیر بلوچستان شیخ جعفر خان اور ڈپٹی ڈائریکٹر واٹر منیجمنٹ عبد الطیف خان ، سابق صوبائی وزیر برائے جنگلات بلوچستان عبیداللہ بابت اور دیگر کے خلاف بھی انکوائریز کی منظوری دی۔ اجلاس میں سابق جنرل مینیجر پاکستان اسٹیٹ آئل (پی ایس او) عبد الحکیم صدیقی اور دیگر کے خلاف بد عنوانی کا مقدمہ دائر کرنے جب کہ نجی اخبار کے مالک کے خلاف انکوائری کی منظوری کا بھی فیصلہ کیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔