’’ریس 3‘‘ بچوں کیلیے غیر موزوں قرار دے دی گئی

سنسربورڈ نے فلم کو 12اے سرٹیفیکیٹ دیا ہےجو بھارت میں یو اے سرٹیفیکیٹ کے مساوی ہے فوٹوفائل

---

سلمان خان کی فلم ''ریس 3' کو برطانوی سنسر بورڈ نے 12سال سے کم عمر کے بچوں کے لیے غیر موزوں قرار دے دیا۔

بھارتی ذرائع ابلاغ کے مطابق برطانوی سنسر بورڈ نے ہندی فلم ''ریس 3'' کو 12سال سے کم عمر کے بچوں کے لیے غیر موزوں قرار دیتے ہوئے اسے 12اے سرٹیفیکیٹ دے دیا ہے جو بھارت میں یو اے سرٹیفیکیٹ کے مساوی ہے جس کے تحت یہ فلم 12 سال سے کم عمر بچوں کیلیے نامناسب ہے یا پھر یہ فلم بچے اپنے بڑوں کے ساتھ دیکھیں۔

برطانوی سنسر بورڈ نے اس بات کااعلان اپنے ٹوئٹر اکاؤنٹ پر کیا اورلکھا یہ فلم دیکھنے سے تشدد پھیلنے کا خطرہ ہے۔

RACE 3 (12A) moderate violence, sex references https://t.co/IH8jVvCabq

— BBFC (@BBFC) June 13, 2018

واضح رہے کہ ہدایت کار ریمو ڈی سوزا کی فلم ''ریس 3' میں اداکار سلمان خان، انیل کپور، بوبی دیول، ثاقب سلیم اور ڈیزی شاہ شامل ہیں، یہ فلم ریس سیریز کی تیسری فلم ہے اس سے قبل 'ریس2'اور 'ریس3' ریلیز کی جاچکی ہیں جن میں اداکار سیف علی خان نے مزکری کردار اداکیا تھا یہ دونوں فلمیں100 کروڑ کا بزنس کرنے میں کامیاب ہوئی تھیں۔ فلم 15 جون کونمائش کے لیے پیش کی جائے گی۔