پاکستان نے مقامی وسائل سے تیار2 سیٹلائٹس خلا میں بھیج دیئے دفترخارجہ

سیٹلائٹس میں جی پی ایس اور جی آئی ایس کی سہولیات ہیں، ترجمان دفترخارجہ : فوٹو:ژنگ وا

---

لاہور: ترجمان دفترخارجہ ڈاکٹرمحمدفیصل کا کہنا ہے کہ پاکستان نے مقامی وسائل سے تیار کردہ 2 سیٹلائٹس خلا میں بھیج دیئے۔

دفترِخارجہ کی جانب سے جاری ہونے والے بیان کے مطابق پاکستان نے بڑی کامیابی کے ساتھ 2 سیٹلائٹ لانج کردیئے ہیں، دونوں سیٹلائٹ مکمل طور پر پاکستان میں ہی تیار کئے گئے ہیں۔

ترجمان دفترِخارجہ ڈاکٹرمحمد فیصل کا اس حوالے سے کہنا تھا کہ سیٹلائٹ کی تیاری سے پاکستان کا کمرشل انحصار انتہائی کم ہو جائے گا اور ان سیٹلائٹ کی لانچنگ سے ڈیٹا کلیکشن ،پلاننگ اور ریسورس مینجمنٹ بہتر ہو گی۔

China successfully launched two remote sensing satellites for Pakistan from Jiuquan Satellite Launch Center in NW China's Gansu province. pic.twitter.com/x5F79L6eVy

— China Daily (@ChinaDaily) July 9, 2018

ڈاکٹرفیصل کے مطابق سیٹلائٹس میں جی پی ایس اور جی آئی ایس کی سہولیات ہیں اور ان کے ذریعے سیلاب اور قحط جیسے چیلنجز سے نمٹنے، بارش کے پانی کی مقدار کو جانچنا، اسٹوریج پلاننگ اور پاکستان میں جنگلات کی صورتحال اور پلاننگ میں مدد ملے گی۔