ٹورڈی فرانس؛ کسانوں کا احتجاج، پولیس کی آنسوگیس سے رائیڈرز بھی متاثر

اسپورٹس ڈیسک  بدھ 25 جولائی 2018
پولیس حکام نے پُرزور مظاہرین کو پکڑ کر راستے سے بھی ہٹایا،اس دوران ریس میں 15 منٹ کی تاخیر ہوئی۔ فوٹو: سوشل میڈیا

پولیس حکام نے پُرزور مظاہرین کو پکڑ کر راستے سے بھی ہٹایا،اس دوران ریس میں 15 منٹ کی تاخیر ہوئی۔ فوٹو: سوشل میڈیا

پیرس:  ٹورڈی فرانس سائیکل ریس کا 16واں مرحلہ کسانوں کے احتجاج سے متاثر ہوگیا۔

کسانوں نے سائیکل ریس کے راستے میں احتجاج کرتے ہوئے کاٹن کی گانٹھوں کو پھینک دیا جبکہ ٹریکٹر بھی راہ میں کھڑے کرکے شرکا کیلیے آگے بڑھنا ناممکن بنادیا،مقامی پولیس نے مظاہرین کو منشتر کرنے کیلیے ڈنڈے برسانے کے بعد آنسو گیس کا استعمال بھی کیا، پولیس حکام نے پُرزور مظاہرین کو پکڑ کر راستے سے بھی ہٹایا،اس دوران ریس میں 15 منٹ کی تاخیر ہوئی۔

برطانوی سائیکلسٹ گرینیٹ تھامس،کرس فروم اور دیگر کی آنکھیں بھی آنسوگیس سے متاثر ہوئیں،جنھوں نے پانی سے منہ دھونے کے بعد آئی ڈراپس بھی استعمال کیے، منتظمین نے بھی ان کی آنکھوں کا معائنہ کیا، راستے کلیئر ہونے پر ریس کے شرکا کو یہاں سے آگے روانہ کردیاگیا،اس مرحلے میں انھوں نے کارکیسوون سے بیگنیریز ڈی لنچون کا سفر طے کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔