پاک فوج نے ملک بھر میں ایک کروڑ پودے لگانے کا اعلان کردیا آرمی چیف نے پودا لگا کر شجر کاری مہم کا افتتاح کیا جس کے بعد صرف ایک دن میں فوج نے 20 لاکھ پودے لگا دیے۔
پاک فوج کے شعبہ تعلقات عامہ (آئی ایس پی آر) کے مطابق پاک فوج کی جانب سے ملک بھر میں شجرکاری مہم 'سرسبز و شاداب پاکستان' شروع کردی گئی ہے جس کا افتتاح آرمی چیف جنرل قمر جاوید باجوہ اور ان کی اہلیہ نے پودا لگا کر کیا۔
* پاک فوج کا یوم آزادی پر قوم کو تحفہ
* قومی شجر کاری مہم میں بھرپور شرکت
* آرمی چیف اور انکی اہلیہ نے ملک گیر 'سرسبز و شاداب پاکستان' مہم کا آغاز کیا
* آج ۲۰ لاکھ پودے لگاۓ گئے
* پاکستانیوں سے قومی مہم میں بھر پور شرکت کی اپیل
* درخت زندگی ہیں۔ درخت لگائیں زندگی بچائیں- آرمی چیف pic.twitter.com/dStSd3UKBJ
- Maj Gen Asif Ghafoor (@OfficialDGISPR) 13 August 2018
بعد ازاں فوج کی جانب سے محض ایک دن میں 20 لاکھ پودے لگا دیے گئے۔ اس موقع پر آرمی چیف نے پاکستانی عوام سے اس قومی مہم میں بھرپور طریقے سے شرکت کی اپیل کرتے ہوئے کہا کہ درخت زندگی ہیں، درخت لگائیں زندگی بچائیں۔
Pakistan Army joins National Tree Plantation Campaign. COAS will initiate simultaneous plantation of 2 Million trees today across the country under Army arrangements with planned target of 10 Million trees during this monsoon. Campaign is named ‘سرسبز و شاداب پاکستان’. pic.twitter.com/LsVoWYXUHf
— DG ISPR (@OfficialDGISPR) August 13, 2018
ترجمان پاک فوج میجر جنرل آصف غفور نے سماجی رابطے کی ویب سائٹ ٹویٹر پر بتایا ہے کہ شجر کاری مہم کو سرسبز پاکستان کا نام دیا گیا ہے اور اس شجرکاری مہم میں مجموعی طور پر ایک کروڑ پود ے لگائے جائیں گے۔
