- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
ایشین گیمز، پاکستان نے اومان کو پریکٹس میچ میں قابو کر لیا
لاہور: ایشین گیمزسے قبل پاکستان ہاکی ٹیم نے دوسرے پریکٹس میچ بھی اومان کو5-2 سے قابو کر لیا۔
ایشین گیمزکا ٹائٹل اپنے نام کرنے کا عزم لیے پاکستان ہاکی ٹیم ان دنوں جکارتہ میں موجود اور بھر پور پریکٹس کا سلسلہ جاری رکھے ہوئے ہے، محمد رضوان سینئر ٹیم کی قیادت کر رہے ہیں جبکہ دیگرکھلاڑیوں میں عمران بٹ، عماد شکیل بٹ، امجد علی، علی شان، اعجاز احمد، ابوبکر، عرفان سینئر، محدم دلبر، تصور عباس، شفقت رسول، راشد محمود، مبشر علی، محمد توثیق ارشد، محمد عمر بھٹہ، عتیق ارشد، جنید منظور اور محمد فیصل قادر شامل ہیں۔
ٹیم منیجمنٹ نے ایشیائی ایونٹ سے قبل کھلاڑیوں کی کارکردگی کا جائزہ لینے کے لیے 2 پریکٹس میچوں کا اہتمام کیا۔ پہلے پریکٹس میچ میں قومی ٹیم نے جاپان کیخلاف صفر کے مقابلے میں 2 گول سے کامیابی حاصل کی جبکہ گزشتہ روز شیڈول میچ میں گرین شرٹس نے اومان کیخلاف 5-2 سے میچ کا نتیجہ اپنے نام کیا۔
جکارتہ میں ہونے والے اس میچ کے ابتدا میں کھیل خاصا سست روی کا شکار رہا جس کی وجہ سے پہلے کوارٹر کے دوران کوئی بھی ٹیم گول کرنے میں کامیاب نہ ہوسکی۔ دوسرے کوارٹر کے دوران چیف کوچ رولنٹ اولٹمنز نے گول کیپر عمران کی جگہ امجد کو صلاحیتوں کے اظہار کا موقع فراہم کیا۔
دوسرے کوارٹر کے ختم ہونے سے چند منٹ قبل شفقت رسول نے پاکستان کو ابتدائی گول کی برتری دلا دی، تیسرے کوارٹر کے پانچویں منٹ میں پاکستانی ٹیم نے عمدہ موو بنائی، اس بار عرفان سینئر نے گیند کو گول پوسٹ کے اندر پھینک کر مقابلہ 2-0 کر دیا، پاکستان کی طرف سے تیسرا گول عتیق ارشد نے کیا، شفقت رسول نے چوتھے کوارٹر میں انفرادی طور پر دوسرا اور مجموعی طور پر چوتھاگول کرکے اومان کے میچ میں واپسی کے تمام راستے بند کر دیے، گرین شرٹس کی طرف سے آخری گول جنید منظور نے کیا۔
پاکستانی ٹیم ایشین گیمز میں ابتدائی میچ 20 اگست کو میزبان انڈونیشیا کے خلاف کھیلے گی۔ یاد رہے کہ پاکستان کوایشین گیمز کے دوران اب تک 7 بار گولڈ میڈل حاصل کرنے کا اعزاز حاصل رہا ہے۔
پہلی بار گرین شرٹس نے 1958 کے ٹوکیوگیمز کے دوران طلائی تمغہ حاصل کیا، بعد ازاں جکارتہ گیمز1962، بنکاک 1970، تہران 1974، بنکاک 1978، نیو دہلی1982، بیجنگ 1990میں گولڈ میڈلز حاصل کیے۔ بعد ازاں پاکستانی ٹیم نے 20 سال کے طویل عرصے کے دوران گوانگزو میں ہونے والے گیمز کے دوران پہلی پوزیشن حاصل کی۔
پاکستان کو اب تک 3 بار چاندی کا تمغہ حاصل کرنے کا اعزاز بھی حاصل ہے۔ یہ میڈلز پاکستان نے بنکاک 1966، جنوبی کوریا 1986 اور 2014 کے ایونٹس میں اپنے نام کیے تھے، ایشین گیمز میں پہلی پوزیشن حاصل کرنے کی صورت میں قومی ٹیم اولمپکس کے لیے براہ راست کوالیفائی کرنے میں کامیاب ہو جائے گی، ایشیائی ایونٹ کی اہمیت کو دیکھتے ہوئے جکارتہ میں ٹیم کے ساتھ موجود منیجر اورماضی کے عظیم کھلاڑی حسن سردار میدان میں آگئے ہیں اور اپنے لیکچرز میںکھلاڑیوں میں جیت کا جذبہ پیدا کرنے کی کوشش کررہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔