سرکاری زرمبادلہ کے ذخائر 10 ارب ڈالر کی سطح سے بھی نیچے آگئے

بزنس رپورٹر  جمعـء 7 ستمبر 2018
گزشتہ ہفتے کے دوران زرمبادلہ کے ذخائر میں31کروڑ54لاکھ ڈالر کی کمی ہوئی۔ فوٹو: سوشل میڈیا

گزشتہ ہفتے کے دوران زرمبادلہ کے ذخائر میں31کروڑ54لاکھ ڈالر کی کمی ہوئی۔ فوٹو: سوشل میڈیا

 کراچی: ملکی زرمبادلہ کے ذخائر 10 ارب ڈالر کی سطح سے نیچے آگئے۔

ملکی زرمبادلہ کے ذخائر میں مسلسل کمی کا سلسلہ جاری ہے اور گزشتہ ہفتے کے دوران زرمبادلہ کے ذخائر میں31کروڑ54لاکھ ڈالر کی کمی سے سرکاری زرمبادلہ کے ذخائر بھی 10 ارب ڈالر کی سطح سے نیچے آگئے۔

 

اسٹیٹ بینک آف پاکستان کی جانب سے جاری کردہ اعداد وشمار کے مطابق 31 اگست کو ختم ہونے والے ہفتے پر ملکی زرمبادلہ کے ذخائر 16 ارب 36 کروڑ 97 لاکھ ڈالر کی سطح پر رہے۔

اس دوران مرکزی بینک کے ذخائر34کروڑ16لاکھ ڈالر کمی سے 10 ارب ڈالر کی سطح سے گر کر 9 ارب 88 کروڑ 51 لاکھ ڈالر ریکارڈ کیے گئے جبکہ کمرشل بینکوں کے ذخائر 2 کروڑ 62 لاکھ ڈالر اضافے سے 6 ارب 48 کروڑ 46 لاکھ ڈالر رہے۔

گزشتہ ہفتے کے دوران مرکزی بینک کی جانب سے بیرونی قرضوں اور دیگر سرکاری مد میں 34 کروڑ ڈالر سے زائد کی بھاری ادائیگیاں کی گئیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔