قابض بھارتی فوج نے مزید 3 کشمیریوں کو شہید کردیا

ویب ڈیسک  بدھ 17 اکتوبر 2018
بھارتی فوج نے سری نگر کے علاقے فتح کدل میں سرچ آپریشن کے دوران فائرنگ کی۔ 

بھارتی فوج نے سری نگر کے علاقے فتح کدل میں سرچ آپریشن کے دوران فائرنگ کی۔ 

سری نگر: مقبوضہ کشمیر میں قابض بھارتی فوج نے مزید 3 کشمیری نوجوانوں کو شہید کردیا۔

کشمیر میڈیا سروس کے مطابق مقبوضہ کشمیر میں بھارتی فوج نے ایک بار پھر ریاستی دہشت گردی کا مظاہرہ کرتے ہوئے 3 کشمیریوں کو شہید کردیا۔ قابض فوج نے سری نگر کے علاقے فتح کدل کا محاصرہ کیا اور سرچ آپریشن کے دوران فائرنگ کرکے 3 کشمیری نوجوانوں کو شہید کیا۔

دوسری جانب نوجوانوں کی شہادت کے خلاف کشمیری عوام نے بھرپور احتجاج کیا جس میں نوجوانوں کی بڑی تعداد شریک ہوئی، کشمیریوں کے احتجاج کے باعث سری نگر میں انٹرنیٹ سروس اور تعلیمی ادارے بند کر دیئے گئے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔