تین سال قبل 2015 میں فخرعالم کو امریکا میں پرائیوٹ پائلٹ کا لائسنس ملا تھا: فوٹو: فائل
دنیا بھرکا چکرلگانے کیلئے مشن پروازپرنکلے فخرعالم کونیا ویزا جاری کردیا گیا ہے جس کے بعد انہوں نے ایک بارپھرمشن پرواز کا آغاز کردیا ہے۔ ترجمان دفترخارجہ کا کہنا ہے کہ گلوکارفنکارفخرعالم کے ساتھ ویزہ اجراء سے متعلق تعاون پرروسی حکام کا شکریہ ادا کرتے ہیں۔
اس متعلق فخرعالم کی جانب سے بھی ٹوئٹ کی گئی جس میں انہوں نے ویزا ملنے کی تصدیق کرتے ہوئے کہا کہ انہوں نے نیا ویزہ حاصل کرلیا ہے اور اب وہ پیٹروپووسک ایئرپورٹ جانے کی تیاری کررہے ہیں۔ گلوکارنے اپنے ٹوئٹ میں حکومت پاکستان، روسی حکومت سمیت دوست احباب کا تعاون کے لیے شکریہ بھی ادا کیا اورکہا کہ پاکستانی پرچم کا سفر جاری رہے گا۔
#MissionParwaaz update 11am local time. I have just received a new visa. I am now preparing the airplane and ready to go to Petropavovask airport. Thank you to all of my friends, well wishers the Pakistan government and the Russian authorities. The flag continues its journey.
— Fakhr-e-Alam S.I & S.E (@falamb3) October 30, 2018
گزشتہ روزمشن پرنکلے ہوئے معروف گلوکاروفنکارفخرعالم کو روسی حکام نے ویزہ ختم ہونے پرحراست میں لے لیا گیا تھا، جس کے بعد انہوں نے پاکستان سے مدد کی اپیل کی تھی۔
فخرعالم نے دنیا کے گرد چکر لگانے کے لیے امریکی ریاست فلوریڈا سے مشن پرواز کا 14 اکتوبر کو آغاز کیا تھا۔
واضح رہے کہ تین سال قبل 2015 میں فخرعالم کو امریکا میں پرائیوٹ پائلٹ کا لائسنس ملا تھا۔ ان کا بچپن سے خواب تھا کہ وہ خود جہاز اُڑا کر پوری دنیا کا چکرلگائیں۔ یہ سفر 28 دن پر مشتمل ہوگا جس میں 25 ممالک کے 31 شہر شامل ہیں۔
