شاہ رخ جتوئی کا ٹرائل جوونائیل سسٹم کے تحت نہیں ہوا فاروق ایچ نائیک

ڈینٹل سرجنزکی رپورٹس کی قانونی اہمیت نہیں،سماعت ملتوی،دلائل جاری رکھنے کاحکم۔ فوٹو: فائل

---

شاہ زیب قتل کیس کے وکیل فاروق ایچ نائیک نے کہا ہے کہ شاہ رخ جتوئی کا ٹرائل جوونائیل سسٹم کے تحت نہیں ہوا۔

جسٹس محمد علی مظہر کی سربراہی میں 2 رکنی بینچ کے روبرو شاہ زیب قتل کیس میں مجرموں کی سزا کے خلاف اپیلوں کی سماعت ہوئی، فاروق ایچ نائیک نے دلائل دیتے ہوئے کہا کہ وقوعے کے وقت میرے موکل شاہ رخ جتوئی کی عمر 18 سال سے کم تھی، قانون کے مطابق ٹرائل جوونائیل سسٹم کے تحت نہیں ہوا، کم عمر ملزمان کا ٹرائل بھی الگ ہونا چاہیے مگر شاہ رخ جتوئی کا مقدمہ انسداد دہشت گردی عدالت میں چلایا گیا۔

عدالت نے ریمارکس دیے پیدائش کا سرٹیفکیٹ 4 سال بعد کیوں جاری ہوا؟ پولیس سرجن کے مطابق عمر 17 سے 18 سال کے درمیان تھی، 2 ڈینٹل سرجنز کی رپورٹ کا حوالہ دیا گیا مگر وہ میڈیکل بورڈ کا حصہ نہیں تھے۔