آسٹریلوی وزیراعظم کے ’جوتوں‘ کی سوشل میڈیا پر دھوم

آفیشل ویب سائٹ پر شائع تصویر میں وزیراعظم کے جوتوں کو بے ہنگم طریقے سے تبدیل کیا گیا۔ فوٹو : ٹویٹر

---

آسٹریلوی وزیراعظم اسکاٹ موریسن کی اہل خانہ کے ہمراہ خوبصورت تصویر میں مداحوں کی توجہ کا مرکز 'جوتے' رہے۔

آسٹریلوی وزیراعظم اسکاٹ موریسن کی آفیشل ویب سائٹ پر وزیراعظم کی اپنی اہلیہ اور دو صاحبزادیوں کے ہمراہ تصویر شائع کی گئی۔ تصویری فریم میں ہنستی مسکراتی فیملی کامیاب زندگی کی عکاسی کرتی نظر آتی ہے جسے کافی سراہا بھی گیا۔

لیکن ٹہریئے !! اس تصویر میں کچھ ایسا بھی ہے جو کچھ دلچسپ بھی ہے اور آپ کو ہنسنے پر مجبور بھی کرسکتا ہے۔

#auspol story of 2019: our latest PM (ScoMo) had nice white shoes photoshopped onto his feet for his official https://t.co/eXNtcX7xTa site?! Yup. Regular bloke. Our tax dollars hard at work. #shoegate pic.twitter.com/kA0gG0yy9L

— lukerhn (@lukerhn) January 8, 2019

تصویر میں آسٹریلوی وزیراعظم نے ضرورت سے زیادہ سفید اور چکمتے ہوئے جاگرز پہن رکھے ہیں اور حیران کن طور پر دونوں پاؤں میں الٹے پیر کا جوتا ہے۔ ظاہر بات ہے یہ غلطی وزیراعظم سے تو ہو نہیں سکتی لیکن یہ کمال اُن کے فوٹو شاپ ڈیزائنر کا ہے۔

دونوں پاؤں میں الٹے پاؤں کا نہایت سفید اور چمکدار جوتا ہونے پر سوشل میڈیا پر دھوم مچ گئی اور وزیراعظم کے میڈیا ٹیم کو تنقید کا نشانہ بنایا گیا جب کہ کچھ صارفین نے دیگر حکمرانوں کی تصاویر کو جوتوں کو سفید جوگرز سے تبدیل کرکے شائع کیا۔

آسٹریلوی وزیراعظم اسکاٹ موریسن جو خود بھی سوشل میڈیا پر کافی متحرک ہیں، معاملے کی تہہ تک پہنچ گئے اور اپنی ٹویٹ میں ہنستے ہوئے وضاحت کی کہ ' میں نے کبھی اپنی ٹیم کو فوٹو شاپ کے ذریعے جوتے چمکدار کرنے کا نہیں کہا تاہم اگر فوٹو شاپ کرنا ہی ہے تو پیر کے بالوں پر توجہ دیں۔

Message to my Department (PM&C): I didn’t ask for the shoeshine, but if you must Photoshop, please focus on the hair (lack thereof), not the feet! 😀
Here they are in all their glory - my footwear of choice whenever I can get out of a suit. pic.twitter.com/hKKUstnArq

— Hon. Scott Morrison AC (@ScoMo30) January 8, 2019

آسٹریلوی وزیراعظم نے اپنے جوتوں کی تصویر بھی شیئر کرتے ہوئے کہا کہ باہر واکنگ پہ جاتے ہوئے میں یہی جوتے پہن کر جاتا ہوں۔