بھارتی فوج کی فائرنگ سے مزید 2 کشمیری نوجوان شہید

ویب ڈیسک  اتوار 13 جنوری 2019
بھارتی فوج کی مظاہرین کو روکنے کے لیے آنسو گیس کے شیلنگ۔ فوٹو : فائل

بھارتی فوج کی مظاہرین کو روکنے کے لیے آنسو گیس کے شیلنگ۔ فوٹو : فائل

سرینگر: مقبوضہ وادی میں بھارتی فوج نے ریاستی دہشت گردی کے دوران فائرنگ کرکے مزید 2 کشمیری نوجوانوں کو شہید کردیا۔

کشمیر میڈیا سروس کے مطابق مقبوضہ وادی کے ضلع کپواڑہ کے علاقے کٹوپورا میں بھارتی فوج نے سرچ آپریشن کے دوران فائرنگ کرکے مزید 2 کشمیری نوجوانوں کو شہید کردیا، بھارتی فوج کی بربریت کے باعث نوجوانوں کی بڑی تعداد سڑکوں پر نکل آئی اور مظاہرہ کیا۔

بھارتی فوج نے مظاہرین کو روکنے کے لیے آنسو گیس کے شیل فائر کیے جب کہ حکام نے علاقے میں انٹرنیٹ سروس بھی معطل کردی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔