وزیراعظم عمران خان کی زیر صدارت وفاقی کابینہ کا اجلاس

اجلاس میں صدرکی تنخواہ کیلیے اضافی گرانٹ کی تقرری کی منظوری دی جائے گی

---

وزیراعظم عمران خان کی زیر صدارت وفاقی کابینہ کا اجلاس جاری ہے۔

ایکسپریس نیوز کے مطابق وفاقی کابینہ کا اجلاس وزیراعظم عمران خان کی زیر صدارت جاری ہے جس میں 17 نکاتی ایجنڈا زیرغور ہے، جبکہ پی پی پی رہنماؤں کے نام ای سی ایل سے نکالنے یا نہ نکالنے کے فیصلے سمیت دیگر اہم فیصلے متوقع ہیں۔

اجلاس میں صدر کی تنخواہ کیلیے اضافی گرانٹ، چیئرمین پی ٹی اے کی تقرری کی منظوری بھی دی جائے گی، دسمبر اور جنوری میں ای سی سی کے فیصلوں کی توثیق کی جائے گی، نیز سیمنٹ کی ڈیمانڈ اور سپلائی کا معاملہ بھی زیر غور آئے گا۔