فرٹیلائزرکمپنیوں کی گیس سبسڈی ختم کرنے کی تجویزپرغور

گیس پرسبسڈی دینے سے حکومت کومالی بوجھ برداشت کرنا پڑرہا ہے،حکام فوٹو: فائل

---

وفاقی حکومت نے فرٹیلائزر سیکٹر سمیت دیگر شعبوں کوگیس میں دی جانے والی سبسڈی ختم کرنے کی تجویز پرغورشروع کردیا ہے۔

اس ضمن میں وزارت پٹرولیم وقدرتی وسائل کے حکام نے بتایا کہ وفاقی حکومت نے رعایتی قیمت پرگیس کی فراہمی ختم کرکے معمول کے نرخوں پر گیس فروخت کرنے کا جائزہ لیناشروع کیا ہے تاہم فرٹیلائزرسیکٹرکوگیس پردی جانے والی سبسڈی ختم کرنے کی صورت میں فرٹیلائزرکی قیمتوں میں اضافہ کو روکنے کے لیے حکمت عملی مرتب کی جارہی ہے۔



تاکہ فرٹیلائزرکمپنیاںملک میں کھادکی قیمتوں میں اضافہ نہ کرسکیں،حکام کاکہنا ہے کہ گیس پرسبسڈی دینے کی وجہ سے حکومت کو بہت زیادہ مالی بوجھ برداشت کرنا پڑرہا ہے جس سے مالی مسائل پیدا ہورہے ہیں جن پرقابو پانے کے لیے حکومت نے یونیفائیڈ ٹیرف متعارف کروانے کا اصولی فیصلہ کیا ہے۔