سدھارتھ ملہوترا کی کرینہ کپور کو اہلیہ بنانے کی خواہش

سدھارتھ ملہوترا نے اپنی پسند کا اظہار کرن جوہر کے مشہور شو ’کافی ود کرن‘ میں کیا۔ فوٹو: فائل

---

بالی ووڈ کے معروف اداکار سدھارتھ ملہوترا نےکرینہ کپور کے لیے دل میں چھُپی انوکھی خواہش کا اظہار کردیا۔

بھارتی میڈیا رپورٹس کے مطابق بالی ووڈ کے معروف فلمساز کرن جوہر کے مقبول ترین شو 'کافی ود کرن' کے سیزن 6 کی نئی قسط کا ٹریلر جاری کیا گیا، شو کی اس نئی آنے والی قسط میں بالی ووڈ کی دو معروف شخصیات سدھارتھ ملہوترا اور ادتیا رائے کپور شرکت کر رہے ہیں۔

شو کے میزبان کرن جوہر نے ابتدا میں مہمان اداکاروں پر کئی سوالات کی بوچھاڑ کی لیکن ریپیڈ فائر راؤنڈ میں سدھارتھ ملہوترا سے میزبان نے سوال کیا کہ وہ بالی ووڈ سے وابستہ کس شخصیت کو اپنی اہلیہ کے طور پر دیکھنا پسند کریں گے جس پر اداکار نے فوری طور پر کرینہ کپور کا نام لیا، ان کے اس جواب پر کرن جوہر بھی شش و پنج کا شکار دکھائی دیئے۔

Partners in crime @SidMalhotra and Aditya Roy Kapur take the Koffee couch this week. #KoffeeWithKaran #KoffeeWithSidharth #KoffeeWithAditya pic.twitter.com/wvBkupn2et

— Star World (@StarWorldIndia) January 27, 2019

کرن جوہر نے جب اُن سے ایک اورسوال کیا کہ وہ انڈسٹری میں کس کو اپنا بھائی بنانا پسند کریں گے جس کے جواب میں سدھارتھ نے کہا کہ وہ سیف علی خان کواپنا بھائی بنانا پسند کریں گے۔