محمد حفیظ فٹنس مسائل کی وجہ سے پی ایس ایل سے باہر  

ویب ڈیسک  پير 18 فروری 2019
محمد حفیظ کراچی کنگز کے خلاف میچ میں انجرڈ ہوگئے تھے،  ترجمان لاہور قلندرز۔ فوٹو : فائل

محمد حفیظ کراچی کنگز کے خلاف میچ میں انجرڈ ہوگئے تھے، ترجمان لاہور قلندرز۔ فوٹو : فائل

 دبئی: لاہور قلندرز کے کپتان محمد حفیظ فٹنس مسائل کی وجہ سے پی ایس ایل سے باہر ہوگئے۔

لاہور قلندرز کے کپتان محمد حفیظ فٹنس مسائل کی وجہ سے پی ایس ایل کے چوتھے سیزن سے باہر ہوگئے ہیں جس کے بعد اب لاہور قلندرز کی قیادت اے بی ڈی ویلیئرز کریں گے۔ ترجمان لاہور قلندرز کا کہنا ہے کہ محمد حفیظ کراچی کنگز کے خلاف میچ میں انجرڈ ہوگئے تھے، دوسری جانب لاہور قلندرز کے مینجر رانا ثمین کا کہنا ہے کہ محمد حفیظ کی اسکین رپورٹ کے مطابق انہیں 4 سے 6 ہفتے آرام کی ضرورت ہے۔

گزشتہ روز بھی پشاور زلمی سے میچ کی قیادت جنوبی افریقی کھلاڑی اے بی ڈی ویلیئرز نے کی تھی تاہم لاہور قلندرز کو میچ میں شکست کا سامنا کرنا پڑا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔