سرفراز احمد کی بیٹے کے ہمراہ گلی میں کرکٹ کھیلنے کی ویڈیو وائرل

پی ایس ایل میں شاندار کامیابی کے بعد سرفراز احمد کو ریسٹ دیا گیا ہے۔ فوٹو : ویڈیو گریب

---

قومی کرکٹ ٹیم کے کپتان سرفراز احمد کی اپنے بیٹے عبداللہ کے ہمراہ گلی میں کرکٹ کھیلنے کی ویڈیو وائرل ہوگئی۔

سماجی رابطے کی ویب سائٹ ٹیوٹر پر اپنی ایک ٹویٹ میں پی ایس ایل 4 کی فاتح ٹیم کے کپتان سرفراز احمد نے اپنے بیٹے عبداللہ کے ہمراہ کرکٹ کھیلنے کی ویڈیو شیئر کرتے ہوئے لکھا کہ ' کچھ عرصے پہلے تک ان ہی گلیوں میں، میں کرکٹ کھیلا کرتا تھا اور اب ماشااللہ میرے بیٹے کی باری ہے۔

Kuch arsy pehly tak main is gali main khela krtatha, ab Mashallah se mery bety ki bari hai😊 pic.twitter.com/Uxzx01UeuW

— Sarfaraz Ahmed (@SarfarazA_54) March 22, 2019

سرفراز احمد کی اہلیہ خوش بخت سرفراز نے بھی ویڈیو شیئر کرتے ہوئے لکھا کہ 'نماز عصر کے بعد کچھ یوں ہو رہا ہے آج کل۔' سرفراز احمد کی اپنے بیٹے کے ہمراہ کرکٹ کھیلنے کی ویڈیو سوشل میڈیا پر دیکھتے ہی دیکھتے وائرل ہوگئی اور صارفین نے باپ بیٹے کے کوالٹی ٹائم گزارنے اور انداز کرکٹ کی تعریف کی۔

Namaz e asr k baad kuch youn horaha hai aj kal🏡⭐️ pic.twitter.com/jeStYH9xW7

— Khushbakht Sarfaraz (@sarfarazkhush) March 21, 2019

معروف صحافی سلیم خالق نے لکھا کہ عبداللہ مستقبل کا کرکٹ اسٹار ہے، اسی طرح دیگر صارفین نے بھی عبداللہ سرفراز کی ہمت افزائی کرتے ہوئے لکھا کہ کراچی کی سڑکوں پر نماز عصر کے بعد کرکٹ کھیلنا ایک دلچسپ اور پر جوش عمل ہوتا ہے اور ان گلی محلوں سے کرکٹ کے بڑے نام سامنے آئے ہیں جن میں سرفراز احمد بھی شامل ہیں۔

Abdullah future cricket star https://t.co/4JdOWLonTN

— Saleem Khaliq (@saleemkhaliq) March 22, 2019