غربت کا خاتمہ میری اولین ترجیح میں شامل ہے وزیراعظم

عوام پرسرمایہ کاری اور پسماندہ اضلاع کی ترقی اولین ترجیح ہے، وزیراعظم کا ٹویٹ،فوٹو: فائل

---

وزیراعظم عمران خان نے کہا ہے کہ احساس پروگرام کے تحت عدم مساوات کے خاتمے، عوام پر سرمایہ کاری اور نظر انداز کئے گئے اضلاع پر کام کیا جائے گا۔

سماجی رابطے کی ویب سائٹ ٹویٹر پر اپنے ٹوئٹ میں وزیراعظم عمران خان کا کہنا تھا کہ احساس پروگرام پر اپنا پالیسی بیان دیتے ہوئے خوشی محسوس کررہا ہوں، غربت کا خاتمہ میری اولین ترجیحات میں شامل ہے۔

I am pleased to release my policy statement on #Ehsaas, my priority poverty reduction programme with its 4 focus areas and 115 policy actions to reduce inequality, invest in people, and uplift lagging districts https://t.co/Ue20Gaw3aC

— Imran Khan (@ImranKhanPTI) April 8, 2019

وزیراعظم کا کہنا تھا کہ غربت میں کمی پروگرام میں 4 شعبوں اور 115 پالیسی اقدامات پرتوجہ دی جارہی ہے، احساس پروگرام کامقصدعدم مساوات کاخاتمہ، عوام پرسرمایہ کاری اور پسماندی اضلاع کی ترقی ہے۔