وفاقی کابینہ کے بعد پنجاب کابینہ میں تبدیلی کا امکان

ویب ڈیسک  جمعـء 19 اپريل 2019
صوبائی وزراء کے قلمدان تبدیل ہونے کا امکان، ذرائع

صوبائی وزراء کے قلمدان تبدیل ہونے کا امکان، ذرائع

لاہور: وزیراعظم عمران خان کی جانب سے وفاقی کابینہ میں ردوبدل کے بعد اب پنجاب کابینہ میں بھی تبدیلی کا امکان ظاہر کیا جارہا ہے۔

ایکسپریس نیوز کے مطابق وزیراعظم عمران خان کے حکم پر وزیراعلیٰ پنجاب عثمان بزدار صوبائی وزرا کی کارکردگی رپورٹ تیار کررہے ہیں جس کے بعد صوبائی وزراء کے قلمدان تبدیل ہونے کا امکان ظاہر کیا جارہا ہے۔

ذرائع کے مطابق مختلف اداروں نے پہلے ہی صوبائی وزراء کی کارکردگی رپورٹ وزیراعظم آفس بھجوا دی اور وزیراعظم آئندہ چند روز میں پنجاب بارے کچھ اہم فیصلے کریں گے جب کہ پنجاب میں پہلے مرحلے میں بیوروکریسی کی تبدیلی سے ابتداء ہوچکی ہے، آنے والے دنوں میں وزیراعظم عمران خان بہتری کے لئے بڑے فیصلے کریں گے۔

اس خبر کو بھی پڑھیں؛ وفاقی کابینہ میں بڑی تبدیلیاں، فواد چوہدری اور غلام سرور کے قلم دان تبدیل

واضح رہے گزشتہ روز وزیراعظم نے وفاقی کابینہ میں ردو بدل کی جس کے بعد وزیرخزانہ اسد عمر سمیت متعدد وزرا سے وزارت واپس لے لی جب کہ کچھ کے قلمدان تبدیل کردیے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔