میکڈونلڈز نیشنل جونیئر ٹینس عابد اور نور ملک نے ٹائٹلز جیت لیے

خواتین مقابلوں میں نور ملک فاتح رہیں جبکہ انڈر 10 کے سنگل اور ڈبلز مقابلوں کے ٹائٹلز ابوبکر طلحہ لے اڑے۔ فوٹو: فائل

---

میکڈونلڈز نیشنل جونیئرٹینس چیمپئن شپ کا ٹائٹل محمد عابد اور نور ملک نے اپنے نام کرلیا۔

پنجاب ٹینس اکیڈمی لاہور میں منعقدہ ایونٹ میں ملک بھر کے 250 سے زائد کھلاڑیوں نے صلاحیتوں کے جوہردکھائے، ٹاپ سیڈ محمد عابد نے اسٹریٹ سیٹ میں ہیرا عاشق کو 6-3 اور6-4 سے ہرا کر چیمپئن بننے کا اعزاز حاصل کیا۔

خواتین مقابلوں میں نور ملک نے عیشا کو شکست دی، ان کی جیت کا اسکور 6-3 اور7-5 رہا۔انڈر10 مقابلوں کے فاتح ابوبکر طلحہ رہے، ابوبکر طلحہ نے ہی ساتھی کھلاڑی امیر مزاری کیساتھ مل کر انڈر10کا ڈبلزٹائٹل بھی اپنے نام کیا۔

شریک کھلاڑیوں نے چیمپئن شپ کو اسپانسر کرنے پر میکڈونلڈزکا شکریہ ادا کیا۔