لاپتہ شہباز شریف لندن میں سیروتفریح کررہے ہیں، فردوش عاشق اعوان

ویب ڈیسک  جمعـء 3 مئ 2019
نوازشریف نے ضمانت کے بعد ایک دن بھی اسپتال کا رخ نہیں کیا، فردوس عاشق اعوان

نوازشریف نے ضمانت کے بعد ایک دن بھی اسپتال کا رخ نہیں کیا، فردوس عاشق اعوان

اسلام آباد: مشیراطلاعات فردوس عاشق اعوان کا کہنا ہے کہ شریف برادران کی بیماری ایک بہانہ ہے اصل مقصد لندن جانا ہے۔

اسلام آباد میں پریس کانفرنس کرتے ہوئے وزیراعظم کی معاون خصوصی برائے اطلاعات فردوس عاشق اعوان کا کہنا تھا کہ شریف برادران عدالت کو قائل نہیں کرسکے توعوام کو کیسے قائل کریں گے، نوازشریف ضمانت کے بعد ایک دن بھی اسپتال میں داخل نہیں ہوئے، ان کی بیماری تو ایک بہانہ ہے اصل مقصد لندن جان ہے۔

فردوس عاشق اعوان کا کہنا تھا کہ نیب جب شہباز شریف کو بلاتا ہے تو وہ بیمارہوجاتے ہیں لیکن لاپتا لیڈر آف اپوزیشن لندن کی سڑکوں پر سیروتفریح کرتے دکھائی دیتے ہیں جب کہ ہم نے پاکستان میں اصلاحات کی بات کی ہے، نئے پاکستان کی منزل کی طرف رواں دواں ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔