بالاکوٹ حملے کا منصوبہ ساز ’را‘ اور کشمیریوں پر مظالم ڈھانے والا ’آئی بی‘ چیف مقرر

را اور آئی بی چیفس کے انتخاب میں بھی مودی نے جنگی جنونیت کا مظاہرہ کیا۔ فوٹو : فائل

---

بھارت میں بالاکوٹ حملہ کرنے کا منصوبہ تیار کرنے والے سمانت گوئل کو خفیہ ایجنسی 'را' جب کہ کشمیریوں پر مظالم ڈھانے والے اروند کمار کو آئی بی کا سربراہ مقرر کردیا گیا۔

بین الاقوامی خبر رساں ادارے کے مطابق وزیراعظم نریندرا مودی نے بھارتی خفیہ ایجنسیوں 'را' اور 'آئی بی' کے سربراہان کی تقرری کردی ہے۔ دونوں تقرریوں میں پاکستان اور کشمیر دشمنی کا ثبوت دیا گیا ہے۔

2 انتہائی اہم عہدوں کی تقرری کے لیے مودی سرکار نے پاکستانی علاقے پر ناپاک حملے کے منصوبہ ساز سمانت گوئل کو 'را' کا اور نہتے کشمیری عوام پر ظلم ڈھانے والے افسر اروند کمار کو آئی بی کا سربراہ مقرر کردیا گیا۔

دونوں افسران نے اپنے کیریر کا آغاز پولیس کے شعبے سے کیا تھا اور ترقی کرتے کرتے فوج تک پہنچے اور اعلیٰ عہدوں پر فائز ہوئے۔ را کے موجودہ چیف انیل کے ڈھسمانا اور آبی بی چیف راجیو جین اس ماہ کے آخر میں ریٹائڑڈ ہوجائیں گے۔

واضح رہے کہ بی جے پی کے دوبارہ برسر اقتدار آنے کے بعد سے جارحیت پسند نریندرا مودی نے اپنی پالیسیوں کو جنگی جنونیت کے ساتھ اپنانے کی روایت کو برقرار رکھا ہے۔