اسٹینڈز کی صفائی، بھارتی میڈیا میں بھی پاکستانی شائقین کے رویے کی تعریف

لندن: بھارتی میڈیا میں بھی پاکستانی شائقین کے اچھے رویے کی تعریف ہونے لگی۔

نیوزی لینڈ سے میچ کے بعد اسٹینڈز صاف کرکے شائقین نے نئی مثال قائم کی تھی،اس کی ویڈیو وائرل ہو چکی ہے،اس مقابلے میں جہاں ایک طرف گرین شرٹس نے کیویز کا غرور توڑا وہیں بہت سے پاکستانی شائقین میچ کے بعد بھی گراؤنڈ پر رکے رہے اور ایجبسٹن کے اسٹینڈز کی صفائی کی۔

عام طور پر ٹیم کی کامیابی کے بعد تماشائی اسٹیڈیم سے باہر نکل کر گلیوں میں خوشیاں منانا شروع کردیتے ہیں، کرکٹ میں ایسا پہلی بار ہوا کہ پاکستانی شائقین نے اسٹینڈز سے کچرا صاف کیا۔