طیارے کے پہیے میں چھپ کر سفر کرنے والا شخص گر کر ہلاک

کینیا ایئرلائن سے گر کر ہلاک ہونے والے شخص کی تاحال شناخت نہیں ہوسکی ہے۔ فوٹو : فائل

---

برطانیہ میں طیارے کے اگلے پہیے کے لینڈنگ گیئر میں چھپ کر سفر کرنے والا مسافر دوران پرواز گر کر ہلاک ہوگیا۔

بین الاقوامی خبر رساں ادارے کے مطابق برطانوی دارالحکومت لندن کے ایک گارڈن سے ملنے والی لاش کا معمہ حل ہوگیا ہے، عینی شاہد نے پولیس کو بتایا کہ ہلاک ہونے والے شخص نے جہاز کے پہیے سے چھلانگ لگائی تھی۔

عینی شاہد کے بیان کی روشنی میں برطانوی پولیس نے تصدیق کے لیے کینیا ایئر وے جیٹ طیارے کی ہیتھرو ایئرپورٹ پر تلاشی لی تو طیارے کے لینڈنگ گیئر سے ایک بستہ، پانی اور کھانے کی کچھ اشیاء ملیں۔

'' مسافر باغ میں جس جگہ گرا وہاں گڑھا پڑ گیا۔ فوٹو : بی بی سی ''

پولیس کا کہنا ہے کہ ہلاک ہونے والے شخص کا پوسٹ مارٹم کرلیا گیا ہے تاہم ہلاک ہونے والے شخص کی تاحال شناخت نہیں ہوسکی ہے۔ کینیا کی ایئر لائن کا طیارہ نیروبی سے 9 گھنٹے کی پرواز کے بعد ہیتھرو ایئرپورٹ پہنچا تھا۔

We're working to establish the ID of a man believed to have fallen from the landing gear compartment of an aeroplane. We were called on Sunday afternoon to an address in #Clapham after the body was discovered in a garden https://t.co/MaXOeHNxka pic.twitter.com/ivO8ScKZJV

— Metropolitan Police (@metpoliceuk) July 1, 2019

کینیا ایئرلائن نے مذکورہ شخص کے لینڈنگ گیئر میں سفر کرنے اور بعد ازاں گر کر ہلاک ہونے کی تحقیقات کے لیے کمیٹی تشکیل دے دی ہے۔ برطانیہ میں اس قسم کا یہ تیسرا واقعہ ہے۔