مردان میں سرکاری اسکول کی طالبات میں برقعوں کی تقسیم

برقع بانٹنے کی کوئی پالیسی نہیں، ضلعی کونسل کے رکن نے اپنے طور پر یہ کام کیا، صوبائی وزیر تعلیم ضیاء اللہ بنگش (فوٹو: فائل)

---

چینہ کے علاقے میں گورنمنٹ گرلز مڈل اسکول کی طالبات میں ضلعی رکن کی جانب سے برقعے تقسیم کیے گئے۔

مردان کے علاقے چینہ میں ضلعی رکن کی جانب سے طالبات کو برقعے دیے گئے۔ ڈسٹرکٹ ممبر مظفر شاہ نے بتایا کہ انہوں نے عوامی نمائندے کے طور پر علاقائی روایات کو مدنظر رکھتے ہوئے سرکاری اسکول کی طالبات میں برقعے تقسیم کیے ہیں، برقعہ ہماری ثقافت کا حصہ ہے اور اسی لیے 90 برقعے اور چادریں تقسیم کی گئیں۔

دوسری جانب صوبائی وزیر تعلیم ضیاء اللہ بنگش نے معاملے سے لاتعلقی کا اظہار کرتے ہوئے کہا ہے کہ حکومت کی اسکول میں برقعے تقسیم کرنے کی کوئی پالیسی نہیں اور یہ برقعے ضلعی کونسل کی رکن نے اپنے طور پر تقسیم کیے ہیں۔