جب تک فضل الرحمان کے بیٹے ایوان میں ہیں پارلیمان جعلی نہیں ہو سکتی فردوس عاشق

مولانا فضل الرحمان کی گزشتہ پارلیمان کی تقریروں کی روشنی میں آگے بڑھ رہے ہیں، فردوسو عاشق  فوٹو: فائل 

---

معاون خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ پارلیمان اس وقت تک جعلی نہیں ہو سکتی جب تک مولانا فضل الرحمان کے فرزند اور ان کی جماعت کے دیگر رہنما ایوان میں براجمان ہیں۔

اپنی ٹوئٹ میں فردوس عاشق اعوان کا کہنا تھا کہ جب تک مولانا فضل الرحمان کے فرزند اور ان کی جماعت کے دیگر رہنما ایوان میں براجمان ہیں، اس وقت تک پارلیمان اس وقت تک جعلی نہیں ہو سکتی۔ نئے انتخابات ضرور کرائے جائیں گے لیکن پانچ سال کی آئینی مدت کی تکمیل کے بعد۔

معاون خصوصی کا کہنا تھا کہ ہم مولانا فضل الرحمان کی گزشتہ پارلیمان کی تقریروں کی روشنی میں آگے بڑھ رہے ہیں جب وہ کہا کرتے تھے کہ پارلیمان کو اپنی آئینی مدت پوری کرنی چاہیے۔

فردوس عاشق اعوان نے کہا کہ نواز شریف کے لندن پہنچتے ہی (ن) لیگ کے ترجمانوں نے پاکستان میں جو ہنگامی حالت نافذ کی ہوئی تھی، وہ یکایک ختم ہوچکی ہے۔ (ن) لیگ نے سپریم کورٹ کی طرح الیکشن کمیشن میں جو ایک صفحہ پیش کیا ہے،وہ بھی قطری لگتا ہے۔