فہیم اشرف نے فٹنس مسائل سے نجات پالی

زبیر نذیر خان  ہفتہ 14 دسمبر 2019
اب وہ قائد اعظم ٹرافی کے فائنل کے لئیے دستیاب ہوں گے، فوٹو: فائل

اب وہ قائد اعظم ٹرافی کے فائنل کے لئیے دستیاب ہوں گے، فوٹو: فائل

 لاہور: قومی آل راونڈر فہیم اشرف  نے فٹنس مسائل سے نجات پالی اور اب وہ قائد اعظم ٹرافی کے فائنل کے لئیے دستیاب ہوں گے۔

ذرائع کے مطابق  فہیم اشرف  نے گھٹنے کی انجری سے نجات پانے کے لیے نیشنل کرکٹ اکیڈمی میں  پی سی بی میڈیکل سٹاف کی نگرانی میں ری ہیب پروگرام میں حصہ لیا۔اب وہ 27 دسمبر کو کھیلے جارہے ڈومیسٹک کرکٹ کے فائنل میں سنٹرل  پنجاب کی نمائندگی کرنے کے لیے دستیاب ہیں۔

آسٹریلیا کی بگ بیش لیگ کے لیے فہیم اشرف کا میلبرن رینی گیڈز کے ساتھ  معاہدہ ہوا تھا تاہم  انہوں نے  ڈومیسٹک کرکٹ  کھیلنے کو ترجیح دی ہے، اور لیگ کے منتظمین اور فرنچائزڈٹیم کو اپنی عدم دستیابی کے حوالےسے آگاہ کردیاہے۔

ان کے ساتھ فاسٹ بولر عثمان شنواری بھی  بگ بیش لیگ میں شرکت نہیں کررہے،دونوں قومی کرکٹرز کی طرف سے معذرت کے بعد ان کے متبادل بھی منتخب کرلیےگئے ہیں۔ فہیم اشرف اور عثمان شنواری کا آٹھ اور پانچ میچوں کے لیے بگ بیش میں شرکت کا معاہدہ ہواتھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔