امریکا میں طیارہ رہائشی علاقے میں گر گیا تباہ حال گھر کی ویڈیو وائرل

طیارے میں بھڑکی آگ سے گھر میں کھڑی کار بھی جل کر راکھ ہوگئی، فوٹو : ویڈیو گریب

---

امریکی ریاست میری لینڈ میں ایک چھوٹا طیارہ رہائشی علاقے کے دو گھروں میں گر کر تباہ ہوگیا جس کے نتیجے میں پائلٹ ہلاک ہوگیا جب کہ گھر میں کھڑی کار بھی طیارے کے ساتھ جل کر راکھ کا ڈھیر ہوگئی۔

بین الاقوامی خبر رساں ادارے کے مطابق امریکی ریاست میری لینڈ میں ایک انجن والا چھوٹا طیارہ پرواز بھرنے کے کچھ ہی دیر بعد ہچکولے کھاتا ہوا رہائشی علاقے کے دو گھروں پر گر گیا۔

Plane Crash final U/D from #PGFD just before 3 pm small aircraft struck attached carport of single family home then struck automobile with both plane & car catching fire. Small fire in house attic. Home was not occupied. 1 person on plane declared deceased on scene. pic.twitter.com/TuLBDHVFGd

— Mark Brady (@PIOMarkBrady) December 29, 2019

طیارے میں آگ بھڑک اُٹھی جس نے گھر میں کھڑی ایک کار کو بھی اپنی لپیٹ میں لے لیا جب کہ دوسرے گھر کا دروازہ بھی جل کر خاکستر ہو گیا۔ گھر کی عمارت کو بھی نقصان پہنچا ہے۔

یہ خبر پڑھیں: امریکا میں دھند کے باعث مسافر طیارہ گر کر تباہ، 5 افراد ہلاک

حادثے میں طیارے کا پائلٹ موقع پر ہی ہلاک ہوگیا، خوش قسمتی سے طیارے کے گھر پر گرنے کے وقت عمارت میں کوئی بھی شخص موجود نہیں تھا۔ امریکا میں ایک ہفتے کے دوران طیارہ گرنے کا یہ چوتھا واقعہ ہے جس میں مجموعی طور پر 7 افراد ہلاک ہوئے ہیں۔