ٹنڈولکر کو بڑا بیٹسمین ہی نہیں مانتا تو اس کے بارے میں کیا اظہار رائے کروں میانداد

بھارتی ہمیں ٹھڈے مارتے اور ہم ان کے کھلاڑیوں کی تعریفوں کے پل باندھنے میں لگے رہتے ہیں، جاوید میانداد فوٹو: اے پی پی/فائل

---

مخصوص معاملات کی وجہ سے ان دنوں گوشہ نشینی اختیار کرنے والے سابق ٹیسٹ کپتان جاوید میانداد نے کہا ہے کہ بھارتی ہمیں ٹھڈے مارتے اور ہم ان کے کھلاڑیوں کی تعریفوں کے پل باندھنے میں لگے رہتے ہیں۔

ٹیسٹ کرکٹ میں اپنا 200 واں اورآخری میچ کھیلنے والے بھارتی بیٹسمین سچن ٹنڈولکر کے حوالے سے کوئی رائے دینے سے انکار کرتے ہوئے عظیم کرکٹر نے کہا کہ میں ٹنڈولکرکو بڑا بیٹسمین ہی نہیں مانتا تو اس کے بارے میں کیا اظہار کروں، وہ دنیا کے لیے بڑا کھلاڑی ہوگا، میرے نزدیک نہیں ہے، انھوں نے کہا بھارتیوں کا پاکستان اور پاکستانیوں کیساتھ رویہ ہمیشہ غیرمناسب اور تضحیک آمیز رہا ہے، میں پاکستانی ہوں چنانچہ کسی بھارتی کے بارے میں نہ پوچھا جائے۔