کرونا وائرس کو عذاب کہنا بند کردیں حمزہ عباسی

اس دنیا میں عذاب اُن ہی لوگوں پر آیا جو رسول کے ہوتے ہوئے اُن کا انکار کرتے تھے، حمزہ علی عباسی۔ فوٹو: فائل

---

معروف اداکار حمزہ علی عباسی کا کہنا ہے کہ کرونا وائرس کو عذاب کہنا بند کردیں اور متاثرین کے ساتھ ہمدردی کا اظہار کریں۔

حمزہ علی عباسی نے سماجی رابطے کی ویب سائٹ ٹویٹر پر قرآن پاک کی ایک سورۃ کی آیت شیئر کی جس میں کلام ربانی ہے کہ ' اور ہم کسی قوم کو کبھی بھی سزا نہیں دیتے جب تک اُن میں ایک رسول نہ بھیج دیں تاکہ وہ سزا سے پہلے اُن پر حجت پوری کر دے۔'

Azaab in this world ONLY comes to munkireen of a Rasool when he is among them, for the rest, there is the Judgment Day. Whether it be a virus outbreak or an earthquake, these are means to bring death on centre stage as a reminder for all. Show sympathy. May Allah protect us all. pic.twitter.com/C2bPjgjWPy

— Hamza Ali Abbasi (@iamhamzaabbasi) February 3, 2020

اپنی ٹویٹ میں حمزہ علی عباسی نے یہ بھی لکھا کہ اس دنیا میں انہی قوموں پر عذاب نازل ہوا ہے جنہوں نے اپنے رسولوں کا انکار کیا اور ایمان نہ لائے، تاہم اب سزا و جزا کا فیصلہ روز محشر ہونا ہے۔ قدرتی آفات ہم سب کے لیے ایک یاد دہانی ہے۔ متاثرین کیساتھ ہمدردی کا اظہار کریں، اللہ ہم سب کو اپنے امان میں رکھے۔

So to those who are branding such incidents as Azaab in this world for whatever reason, STOP. Dont make a mockery out of Allah's deen and instead, help in any way U can or at least pray for the affected and for those who are helping them and trying to find a cure. #CoronaVirus https://t.co/AVS8drNiir

— Hamza Ali Abbasi (@iamhamzaabbasi) February 3, 2020

شوبز کو خیر باد کہہ کر راہ مستقیم میں اپنے سفر کو جاری رکھنے کا اعلان کرنے والے حمزہ نے اپنی دوسری ٹوئٹ میں یہ بھی کہا کہ وہ لوگ جو کسی بھی وجوہات کی بنا پر اس وبائی مرض کو عذاب کہہ رہے ہیں وہ لوگ کورونا وائرس کو عذاب کہنا بند کریں اور اس طرح کی باتیں کرکے دین کی تعلیمات کا مذاق نہ بنائیں۔

انہوں نے لوگوں سے درخواست کرتے ہوئے کہا کہ متاثرین کی مدد کے لیے جو کر سکتے ہیں کریں، کچھ نہیں کرسکتے تو کم سے کم مریضوں کی شفا اور علاج معالجے میں مصروف لوگوں کی کامیابی کے لیے دعا کریں۔