آسٹریلوی بلاگر بھی علی ظفر کے گانے کی وڈیو کے لیے ناچنے لگا، وڈیو وائرل

کراچی: علی ظفر کا پی ایس ایل سیزن 5 کے لئے بنایا گیا نغمہ ریلیز سے قبل ہی اتنا زیادہ مشہور ہوگیا ہے کہ پاکستانی شائقین کے ساتھ ساتھ آسٹریلوی صحافی بھی اس کے سحر میں مبتلا ہوچکے ہیں۔

علی ظفر کا پی ایس ایل سیزن 5 کے لیے بنایا گیا گانا ابھی ریلیز بھی نہیں ہوا اور سوشل میڈیا پر مقبول ہوچکا ہے۔ علی ظفر نے چند روز قبل اپنے مداحوں اور کرکٹ شائقین کے پرزور اصرار پر پی ایس ایل 5 کا گانا بنانے کا اعلان کیا تھا تاہم انہوں نے کہا تھا گانا میں بناؤں گا لیکن ڈانس کی ویڈیو آپ لوگ بناکر بھیجیں۔

یہ بھی پڑھیں:  لوگوں کو علی ظفر کی یادستانے لگی

علی ظفر کے اس پیغام کے بعد لوگوں نے بڑی تعداد میں نئے گانے کے لیے اپنی ڈانس ویڈیوز بناکر سوشل میڈیا پر اپ لوڈ کرنی شروع کردیں اور اب تو یہ حال ہے کہ سوشل میڈیا پر ہر طرف صرف علی ظفر کے گانے کے لیے شائقین کی بنائی گئیں ویڈیوز ہی چھائی ہوئی ہیں۔

یہ بھی پڑھیں: علی عظمت نے علی ظفر سے ہار مان لی؟

تاہم علی ظفر کے گانے کے لیے صرف پاکستانی شائقین نے ہی نہیں بلکہ آسٹریلوی صحافی نے بھی ویڈیو بنائی ہے۔ آسٹریلیا سے تعلق رکھنے والےاسپورٹس صحافی اور بلاگر ڈینس ڈوز جو ان دنوں پی ایس ایل کے سلسلے میں پاکستان میں موجود ہیں نے بھی علی ظفر کے گانے کے لیے ڈانس کرتے ہوئے ویڈیو بنائی ہے اور اسے اپنے سوشل میڈیا اکاؤنٹ پر شیئر کیا ہے۔

یہ بھی پڑھیں:   علی عظمت کی تنقید

ویڈیو میں ڈینس ڈوز بڑے ہی دلچسپ اور دیسی انداز میں رقص کررہے ہیں جسے شائقین کی جانب سے بے حد پسند کیا جارہا ہے۔ ڈینس ڈوز نے ویڈیو کے ساتھ علی ظفر کے لیے پیغام لکھا میں نے آپ کے گانے کے لیے اپنا ڈانس ریکارڈ کرلیا ہے۔

Good morning @AliZafarsays

I've recorded my dance moves for your song. Hi-res clip on email as instructed.

However, I still feel @ESharpism's "Bloody Gora Ft. Dennis (Live)" is a better song.

Take a listen and tell me what you think: https://t.co/CDWXEjCvFP pic.twitter.com/1cTQVSRIrF

— Dennis Does PSL (@DennisCricket_) February 29, 2020

واضح رہے کہ علی ظفر کے گانے کے لیے گلوکار علی عظمت نے بھی رقص کی ویڈیو بھیجنے کا کہا ہے علی ظفر اتوار کے روز گانا ریلیز کریں گے۔