لوڈ شیڈنگ اور اوور بلنگ سے شہری ذہنی امراض میںمبتلاہونے لگےتحریک انصاف

کراچی کی 80فیصد آبادی میں طویل غیر اعلانیہ لوڈ شیڈنگ روز کا معمول بن چکا ہے۔ فوٹو: فائل

---

پاکستان تحریک انصاف کے مرکزی ڈپٹی سیکریٹری جنرل عمران اسماعیل نے کہا ہے کہ موسم کی تبدیلی کے باوجود شہر کراچی کے اکثریتی علاقوں میں کے ای ایس سی کی جانب سے روزانہ 8سے10گھنٹے کی لوڈ شیڈنگ قابل مذمت ہے ۔

اوور بلنگ اور لوڈ شیڈنگ سے شہری ذہنی امراض میں مبتلا ہونے لگے ، یہ باتیں انھوں نے فیڈرل بی ایریا ، نارتھ ناظم آباد ، رنچھوڑ لائن اور سائٹ میٹروول سے آئے ہوئے وفود سے گفتگو میں کہیں، انھوں نے کہا کہ شہر کراچی کی 80فیصد آبادی میں طویل غیر اعلانیہ لوڈ شیڈنگ روز کا معمول بن چکا ہے۔