کورونا آئسولیشن؛ بین ڈنک نے آن لائن کوچنگ شروع کردی

ویب ڈیسک  جمعـء 27 مارچ 2020
تنہائی میں رہ کر خود اور دوسروں کو محفوظ بنانے کی کوشش کررہا ہوں، بین ڈنک فوٹو: فائل

تنہائی میں رہ کر خود اور دوسروں کو محفوظ بنانے کی کوشش کررہا ہوں، بین ڈنک فوٹو: فائل

 لاہور: پاکستان سپر لیگ میں لاہور قلندر کی نمائندگی کرنے والے بین ڈنک ان دنوں آئسولیشن میں ہیں اور انہوں نے خود کو مصروف رکھنے کے لیے نیا طریقہ ڈھونڈ لیا ہے۔

جارح مزاج بلے باز ببن ڈنک آن لائن کوچنگ کے ذریعے نوجوانوں کی رہنمائی کررہے ہیں۔ ان کا کہنا ہے کہ آن لائن کوچنگ سے وقت بھی کٹ جاتا ہے اور دوسروں کو بھی کچھ سیکھنے کا موقع مل رہا ہے، کورونا ایک عالمی وبا ہے ، ہمیں موجودہ صورت حال سے نکلنے کے لیے متحد ہونے کی ضرورت ہے۔

بین ڈنک نے کہا کہ ہمیں اپنی جگہ پر رہتے ہوئے ان تمام لوگوں پر اعتماد کرنا ہے جو کورونا وائرس سے بچانے کے لیے کام کررہے ہیں۔ دنیا بھر میں یہ مرض اب شدت اختیار کرتاجارہے، پاکستان سے واپسی پر 9 روز ہوچکے ہیں، چند دن مزید تنہائی میں رہ کر خود اور دوسروں کو محفوظ بنانے کی کوشش کررہا ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔