ملزم نے ماہا کو قتل کرنے کے بعد لاش گھر کے قریب نالے میں پھینک دی ،پولیس
گزشتہ روز جان آباد نوشہر روڈ مردان سے لاپتہ ہونے والی 8 سالہ ماہا کی بوری بند لاش نہر سے برآمد ہوئی تھی۔ ڈی پی او مردان سجادخان کے مطابق ملزم نے تشدد کے بعد ماہا کو قتل کیا اور لاش گھر کے قریب نہر کے کنارے پھینک دی تھی۔
8 سالہ ماہا گھر سے اپنے لئےچیزیں لینے نکلی تھی، معصوم ماہا گھر کے قریب دکان سے سودا لے کر واپس گھر جارہی تھی کہ ملزم نے اسے اغوا کیا اور اپنی ہوس کا نشانہ بنا ڈالا۔ لاش کو میڈیکل کمپلیکس اسپتال منتقل کیا گیا جہاں میڈیکل رپورٹ میں بچی کے ساتھ زیادتی کی تصدیق ہوئی ہے۔
