راجن پور سے ڈاکوؤں نے 3 پولیس اہلکاروں کو اغوا کرلیا

ویب ڈیسک  پير 25 مئ 2020
ڈاکوؤں نے ہیڈ کانسٹیبل سمیت 3 افراد کو چوکی سونمیانی سے اغوا کیا، پولیس ذرائع۔ فوٹو : فائل

ڈاکوؤں نے ہیڈ کانسٹیبل سمیت 3 افراد کو چوکی سونمیانی سے اغوا کیا، پولیس ذرائع۔ فوٹو : فائل

 راجن پور: روجھان کے کچہ سونمیانی سے ڈاکوؤں نے 3 پولیس اہلکاروں کو اغوا کرلیا۔

راجن پور کے شہر روجھان کے کچہ سونمیانی سے ڈاکوؤں نے 3 پولیس اہلکاروں کو اغوا کرلیا، پولیس ذرائع کا کہنا ہے کہ مسلح سکھانی گینگ کے ڈاکوؤں نے ہیڈ کانسٹیبل شہزاد سمیت 3 افراد کو چوکی سونمیانی سے اغوا کیا تاہم معاملہ کی ہر زاویہ سے تحقیقات کی جارہی ہیں جب کہ مغوی پولیس اہلکاروں کی بازیابی کے لیے پولیس کی بھاری نفری کچہ کے علاقے میں پہنچ گئی ہے۔

دوسری جانب وزیراعلیٰ پنجاب عثمان بزدار نے روجھان میں کچے کے علاقے میں 3 پولیس اہلکاروں کے اغوا کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کرلی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔