سابق اسپیڈ اسٹار شعیب اختر کو ایف آئی اے نے طلب کرلیا

ویب ڈیسک / طالب فریدی  بدھ 3 جون 2020
سابق اسپیڈ اسٹار کو سوشل میڈیا پر پی سی بی کیخلاف غلط الزامات لگانے پر طلب کیا گیا ہے

سابق اسپیڈ اسٹار کو سوشل میڈیا پر پی سی بی کیخلاف غلط الزامات لگانے پر طلب کیا گیا ہے

 لاہور: راولپنڈی ایکسپریس شعیب اختر کو ایف آئی اے نے 5 جون کو طلب کرلیا۔

سوشل میڈیا پر پاکستان کرکٹ بورڈ کے خلاف پروپیگنڈا کرنے اور غلط الزامات لگانے پر سابق معروف فاسٹ بولر شعیب اختر کو ایف آئی اے سابئیر کرائم ونگ نے 5 جون کو طلب کر لیا۔ شعیب اختر کو انکوائری افیسر کے سامنے پیش ہو کر اس کی وضاحت کرنے کی ہدایت کی گئی ہے۔

شعیب اختر کو پاکستان کرکٹ بورڈ کی شکایت پر طلب  کیا گیا ہے، کرکٹ بورڈ کی طرف سے ان کے لیگل سیل نے ایف آئی اے سابئر ونگ کو تحریری شکایت کی تھی کہ سابق اسپیڈ اسٹار نے سوشل میڈیا پر پی سی بی کے سسٹم کے خلاف بیان بازی کی تھی۔

واضح رہے شعیب اختر نے ایک بیان میں کہا تھا کہ پی سی بی کا انٹرنل انکوائری سسٹم ٹھیک نہیں جس سے پاکستان کرکٹ بورڈ کی ساکھ متاثر ہوئی ہے اور بین الاقوامی سطح پر پی سی بی کی بدنامی ہوئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔