- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
ایران نے سی پیک اور بیلٹ اینڈ روڈ انیشٹیو کی حمایت کردی
اسلام آباد: ایران کی جانب سے چابہار بندرگاہ سے منسلک اہم منصوبے سے بھارت کو الگ کرنے کے بعد نئی پیشرفت سامنے آ گئی ہے جب کہ ایران نے بیلٹ اینڈ روڈ انیشیٹو(بی آر آئی) اور فلیگ شپ منصوبے پاک چین اقتصادی راہداری کی حمایت کر دی ہے۔
پاکستان میں تعینات ایرانی سفیر سید محمد علی حسینی نے کہا کہ بیلٹ اینڈ روڈ انیشیٹو(بی آر آئی) اور سی پیک خطے کی ترقی خصوصاََ چین، ایران اور پاکستان کے لئے فائندہ مند ہیں۔ایرانی سفیر نے بھارت کا نام لیے بغیرچابہار بندرگاہ کے اہم منصوبے سے نئی دہلی کو الگ کرنے کے ایران کے فیصلے کا دفاع کیا۔
انھوں نے کہا کہ جب کچھ غیر ملکی حکومتیں ایران کے ساتھ اپنے تعلقات میں تذبذب کاشکار ہیں اور اس کے لئے انہیں دوسروں کی اجازت کی ضرورت ہے۔ یقینی طور پر ایسی حکومتیں طویل مدتی تعاون کے معاہدوں کی منصوبہ بندی اور ان پر عمل درآمد کرنے کی اہل نہیں ہوسکتیں۔
ایرانی سفیر کی سی پیک اور بی آر آئی کی تعریف ایران کی خارجہ پالیسی میں غیر معمولی تبدیلی کی جانب اشارہ ہے۔ انہوں نے کہا کہ بلا شبہ بیلٹ اینڈ روڈ انیشیٹو (بی آر آئی)اور پاک چین اقتصادی راہداری علاقائی تعاون کے فروغ خاص طور پر اسلامی جمہوریہ ایران ،اسلامی جمہوریہ پاکستان اور عوامی جمہوریہ چین کے لئے موزوں پلیٹ فارم ہیں۔ایرانی سفیر نے کہا یہ نہ صرف ایران ، پاکستان اور چین کے لئے ترقی کا خاص ماڈل ہے بلکہ بلکہ خطے کے دوسرے ممالک کے لئے بھی تعاون کا ماڈل ہے۔
ایرانی سفیر سید محمد علی حسینی کا یہ بیان ایسے وقت میں سامنے آیا ہے جب رپورٹس ہیں کہ ایران نے بھارت کو چاہ بہار بندرگاہ سے زاہدان ریلوے پراجیکٹ کے منصوبے سے الگ کر دیا ہے اور اپنے ترقیاتی فنڈز سے منصوبے کا آغاز کردیا ہے۔
بھارتی میڈیا نے دعویٰ کیا ہے کہ ایران نے بھارت کو اہم منصوبے سے نکال کر چین کے ساتھ 25سالہ طویل 400ڈالر بلین سٹریٹیجک پارٹنرشپ کامعاہدہ کرلیا ہے۔ تاہم ایرانی سفیر نے بھارتی میڈیا کادعویٰ بے بنیاد قرار دیتے ہوئے مستردکردیا ہے۔
ایرانی سفیر نے بھارتی میڈیا کے اس دعوے کو مسترد کردیا کہ یہ 25 سالہ معاہدہ ایک عوامی دستاویز تھا جو میڈیا میں آنے والی خبروں کے برخلاف ہے۔ انہوں نے کہا کہ یہ تعاون بہت زیادہ عوامی مسئلہ ہے ۔حتیٰ کہ چینی صدر کے 2016 کے دورہ ایران کے دوران شائع ہونے والے مشترکہ اعلامیہ کے چھٹے پیراگراف میں فریقین نے واضح طور پر 25 سال کے تعاون کیلئے جامع دستاویز کے نتیجے پر اپنی خواہش کا اظہار کیا ۔
انہوں نے کہا کہ سی پیک کی طرح چین ایران تعاون کے بارے میں بے بنیاد افواہیں پھیلائی جارہی ہیں۔ جیسے کچھ مغربی عہدیداروں اور میڈیا نے اس تعاون کی خفیہ نوعیت پر جان بوجھ کر توجہ دی ہے۔
ایرانی سفیر محمد علی حسینی نے مزید کہا کہ اسلامی جمہوریہ ایران کی طرف سے اپنے آئین کی رو سے مغربی یا مشرقی ممالک کیساتھ جامع اور طویل مدتی معاہدوں کے انعقاد میں کسی قسم کی کوئی رکاوٹ نہ کبھی پہلے تھی اور نہ اب ہے۔بلاشبہ بائی پاس روڈ اور چین پاکستان اقتصادی کوریڈور نے علاقائی سطح پر تعاون کے فروغ کی راہیں ہموار کر دیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔